ചിരഞ്ജീവി നായകനായി വേഷമിട്ട് വരാനിരിക്കുന്ന ചിത്രമാണ് വിശ്വംഭര. ഒരു ഫാന്റസി ത്രില്ലര്‍ ചിത്രമായിരിക്കും വിശ്വംഭര. വസിഷ്ഠ മല്ലിഡിയാണ് ചിത്രത്തിന്റെ സംവിധായകന്‍. ചിരഞ്ജീവിയുടെ ജന്മദിനത്തോടനുബ്ധിച്ച് ചിത്രത്തിന്റെ ഫസ്റ്റ് ലുക്ക് പോസ്റ്ററും റിലീസ് ഡേറ്റും പ്രഖ്യാപിച്ചു.
കൈയില്‍ ത്രിശൂലവുമായി നില്‍ക്കുന്ന ചിരഞ്ജീവിയെയാണ് ഫസ്റ്റ് ലുക്ക് പോസ്റ്ററില്‍ കാണാന്‍ കഴിയുക. അന്ധകാരവും തിന്മയും ലോകത്തെ കീഴടക്കുമ്പോള്‍, ഒരു ഉജ്ജ്വല നക്ഷത്രം പോരാടാനായി ഉദിക്കും എന്നാണ് ഫസ്റ്റ് ലുക്കിന്റെ ക്യാപ്ഷന്‍. ചിത്രം 2025 ജനുവരി 10 ന് റിലീസ് ചെയ്യുമെന്നാണ് പോസ്റ്ററില്‍ കുറിച്ചിരിക്കുന്നത്.
വിശ്വംഭരയില്‍ നായികയായി എത്തുന്നത് തൃഷയാണ്. നിലവില്‍ ചിത്രത്തിന്റെ ഷൂട്ടില്‍ ഊട്ടിയില്‍ പുരോഗമിക്കുന്നുവെന്നാണ് അപ്‌ഡേറ്റ്. ഡോറ ബാബു എന്ന കഥാപാത്രത്തെയാണ് ചിരഞ്ജീവി അവതരിപ്പിക്കുന്നത്. ഇഷ ചൗളയും രമ്യ പശുപലേടിയും പ്രധാന വേഷങ്ങള്‍ കൈകാര്യം ചെയ്യുമെന്നും റിപ്പോര്‍ട്ടുണ്ട്. ബോളിവുഡ് താരം കുനാല്‍ കപൂര്‍ ചിത്രത്തിന്റെ ഭാഗമാകുന്നുണ്ട്.
വിക്രം, വംശി, പ്രമോദ് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. മ്യൂസിക്ക് എം.എം. കീരവാണി, ഛായാഗ്രഹണം ഛോട്ടാ കെ നായിഡു, പി.ആര്.ഒ ശബരി.
Recent Comments