പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന വിക്രം-പാ രഞ്ജിത്ത് ചിത്രം തങ്കലാന്റെ ട്രെയിലര്‍ റിലീസ് ചെയ്തു. ബ്രിട്ടീഷ് കാലത്ത് നടക്കുന്ന ഒരു കഥയാണ് ചിത്രം പറയുന്നത്. ചിത്രത്തില്‍ ഒരു കടുത്ത ആദിവാസി നേതാവിന്റെ വേഷത്തിലാണ് ചിയാന്‍ വിക്രം പ്രത്യക്ഷപ്പെടുന്നത്.
രണ്ട് മിനിറ്റും ഒന്‍പത് സെക്കന്റും ദൈര്‍ഘ്യമുള്ള ട്രെയിലര്‍ താരം തന്റെ എക്‌സില്‍ പങ്കുവച്ചു. ചിത്രത്തില്‍ പാര്‍വ്വതി തിരുവോത്ത് ഒരു പ്രധാനപ്പെട്ട കഥാപാത്രത്തെയാണ് അവതരിപ്പിക്കുന്നത്. മാളവികാമോഹനന്‍ മന്ത്രവാദിനിയായ ആരതി എന്ന കഥാപാത്രത്തെയാണ് അവതരിപ്പിക്കുന്നത്. പശുപതി, ഡാനിയര്‍ കല്‍ടഗിറോണ്‍, സമ്പത്ത് റാം, വേട്ടൈ മുത്തുകുമാര്‍, അര്‍ജുന്‍ അന്‍മ്പുടന്‍ എന്നിവരാണ് മറ്റ് പ്രധാന അഭിനേതാക്കള്‍. ആഗസ്റ്റ് 15 ന് ചിത്രം റിലീസിനെത്തുന്നു.
പാ രഞ്ജിത്തിന്റേതാണ് തിരക്കഥ. കഥ തമിഴ് പ്രഭ, സംഭാഷണം അഴകിയ പെരിയവന്‍. സ്റ്റുഡിയോ ഗ്രീന്‍, നീലം പ്രൊഡക്ഷന്‍സ് എ്‌നിവയുടെ ബാനറില്‍ കെ.ഇ. ഞാനവേല്‍ രാജ, പാ രഞ്ജിത്, ജ്യോതി ദേശ് പാണ്ഡേ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. സംഗീതം ജി.വി. പ്രകാശ്, ഗാനരചന കെ.യു. ഉമാദേവി, അറിവ്, മൗനം യാത്രികന്‍, ഛായാഗ്രഹണം കിഷോര്‍ കുമാര്‍, കിഷോര്‍ സെല്‍വ ആര്.കെ., കലാസംയവിധാനം എസ്.എസ്. മൂര്‍ത്തി, സ്റ്റണ്ട് സ്റ്റണ്ണര്‍ സാം, പ്രൊഡക്ഷന്‍ കണ്‍ട്രോളര്‍ എസ്. ശിവകുമാര്‍ എന്നിവരാണ് മറ്റ് അണിയറ പ്രവര്‍ത്തകര്‍.
Recent Comments