തിങ്കളാഴ്ചയായിരുന്നു സത്യന്‍ അന്തിക്കാട് സംവിധാനം ചെയ്ത മകള്‍ എന്ന സിനിമയുടെ സെന്‍സറിംഗ്. സെന്‍സറിംഗ് കഴിഞ്ഞുവന്നതിന് പിന്നാലെ സെന്‍സര്‍ ഓഫീസര്‍ കൂടിയായ പാര്‍വ്വതി പ്രതികരിച്ചത് ‘പ്രതിഭാധനരായ അനവധി പുതുമുഖ സംവിധായകര്‍ക്കിടയില്‍ സത്യന്‍ അന്തിക്കാടിനെപോലൊരു ഫിലിംമേക്കര്‍ എന്തുകൊണ്ട് ഇവിടെ നിലനില്‍ക്കുന്നു എന്നതിനുള്ള ഉത്തരംകൂടിയാണ് മകള്‍. അത്ര ഇന്‍ട്രസ്റ്റിംഗാണ് ഈ മൂവി.’
ഏപ്രില്‍ 29 ന് പ്രദര്‍ശനത്തിനെത്താന്‍ തയ്യാറെടുക്കുന്ന മകള്‍ എന്ന സിനിമയ്ക്ക് ഇതിനെക്കാള്‍ നല്ലൊരു അഭിനന്ദനം കിട്ടാനില്ല. ഒരു മികച്ച സിനിമയുടെ ആദ്യ സൂചനകളും അത് നല്‍കുന്നു.
പതിവുപോലെ ഈ സത്യന്‍ ചിത്രത്തിനും U സര്‍ട്ടിഫിക്കറ്റാണ് ലഭിച്ചിരിക്കുന്നത്. ജയറാം, മീരാ ജാസ്മിന്‍, നസ്ലിന്‍, ദേവിക സഞ്ജയ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ്. ശ്രീനിവാസന്‍, ഇന്നസെന്റ് എന്നിവരും താരനിരയിലുണ്ട്. ചിത്രത്തിന്റെ പ്രൊമോഷന്റെ ഭാഗമായി ഏപ്രില്‍ 10 ന് മീരാജാസ്മിന്‍ ദുബായില്‍നിന്ന് കേരളത്തിലെത്തുന്നുണ്ട്.
സെന്‍ട്രല്‍ പ്രൊഡക്ഷനാണ് ചിത്രം നിര്‍മ്മിക്കുന്നത്. ഡോ. ഇക്ബാല്‍ കുറ്റിപ്പുറം തിരക്കഥയെഴുതുന്ന ചിത്രത്തിന് ക്യാമറ ചലപ്പിച്ചിരിക്കുന്നത് എസ്. കുമാറാണ്.
Recent Comments