അക്ഷയ് കുമാറിനെ നായകനാക്കി സുധ കൊങ്കര സംവിധാനം ചെയ്ത സര്‍ഫിറ ജൂലൈ 12 നാണ് റിലീസ് ചെയ്തത്. ചിത്രത്തിന് തണുത്ത പ്രതികരണമാണ് ലഭിച്ചുകൊണ്ടിരിക്കുന്നത്. റിലീസ് ചെയ്ത ആദ്യ ദിനത്തില്‍ ഇന്ത്യയില്‍നിന്ന് 2 കോടി 40 ലക്ഷമാണ് ചിത്രത്തിന് ലഭിച്ചതെന്നാണ് പുറത്തുവരുന്ന റിപ്പോര്‍ട്ടുകള്‍.
സൂര്യയെ നായകനാക്കി സുധ കൊങ്കര സംവിധാനം ചെയ്ത സൂരറൈ പോട്ര് എന്ന ചിത്രത്തിന്റെ ഹിന്ദി റീമേക്കാണ് സര്‍ഫിറ. കോവിഡ് പ്രതിസന്ധിയില്‍ തിയേറ്റര്‍ റിലീസ് സാധിക്കാതെ ഒടിടിയില്‍ റിലീസ് ചെയ്ത ചിത്രമാണ് സൂരറൈ പോട്ര്. മികച്ച അഭിപ്രായമാണ് ചിത്രത്തിന് ലഭിച്ചത്. എയര്‍ ഡെക്കാണ്‍ എന്ന ആഭ്യന്തര വിമാന സര്‍വ്വീസിന്റെ സ്ഥാപകന്‍ ജിആര്‍ ഗോപിനാഥിന്റെ ജീവിതം ആസ്പദമാക്കിയുള്ള സിനിമയായിരുന്നു ഇത്. ജി.ആര്. ഗോപിനാഥ് എഴുതിയ സിംപ്ലി ഫ്‌ളൈ- എ ഡെക്കാണ്‍ ഒഡീസി എന്ന പുസ്തകത്തെ ആധാരമാക്കിയായിരുന്നു ചിത്രം ഒരുക്കിയത്.
സമീപകാലത്ത് അക്ഷയ് കുമാറിനെ നായകനാക്കി അമിത് റായ് സംവിധാനം ചെയ്ത ഓ മൈ ഗോഡ് എന്ന ചിത്രം മാത്രമേ ബോക്‌സ് ഓഫീസില്‍ വന്‍ വിജയം നേടിയുള്ളൂ. മറ്റു ചിത്രങ്ങളായ ബച്ചന്‍ പാണ്ഡെ, സാമ്രാട്ട് പൃഥ്വിരാജ്, രാം സേതു, സെല്‍ഫി, ബഡേ മിയാന്‍ ഛോട്ടേ മിയാന്‍ തുടങ്ങിവയ ബോക്‌സ് ഓഫീസില്‍ പരാജയം നേരിടേണ്ടിവന്നു.
Recent Comments