ഇന്ന് രാവിലെ ചെന്നൈയില്‍ വെച്ചയാരുന്നു ഇളയരാജ എന്ന ചിത്രത്തിന്റെ ഒഫീഷ്യല്‍ ലോഞ്ച്. സംഗീത സംവിധായകന്‍ ഇളയരാജയുടെ ജീവിത കഥയാണ് ചിത്രം പറയുന്നത്. ധനുഷാണ് ഇളയരാജയായി സ്‌ക്രീനില്‍ വേഷമിടുന്നത്. അരുണ്‍ മാതേശ്വരനാണ് ചിത്രത്തിന്റെ സംവിധായകന്‍.
അണിയറ പ്രവര്‍ത്തകരുടെ കൂടെ കമല്‍ഹാസന്‍, വെട്രിമാരന്‍, ത്യാഗരാജ കുമാരരാജന്‍ എന്നിവരും ചടങ്ങില്‍ പങ്കെടുത്തിരുന്നു. ചിത്രത്തെ കുറിച്ച് വലിയ പ്രതീക്ഷകളാണ് എല്ലാവരും പങ്കുവെച്ചത്. കമല്‍ഹാസനാണ് പോസ്റ്റര്‍ അനാച്ഛാദനം ചെയ്തത്. പോസ്റ്ററില്‍ ഇളയരാജയുടെ വേഷത്തില്‍ ധനുഷിനെ കാണാന്‍ സാധിക്കും.
‘കുട്ടിക്കാലം മുതല്‍ തന്നെ ഇളയരാജ സാറിന്റെ മെലഡി ഗാനങ്ങള്‍ എനിക്ക് പ്രിയപ്പെട്ടതാണ്. അദ്ദേഹത്തിനെ ചിത്രത്തില്‍ അവതരിപ്പിക്കാന്‍ സാധിക്കുന്നതില്‍ എന്റെ ഏറ്റവും വലിയ ഭാഗ്യമായി കാണുന്നു.’ എന്നായിരുന്നു ഇളയരാജയെ മുന്നില്‍ നിര്‍ത്തി ധനുഷ് പറഞ്ഞത്. കണക്ട് മീഡിയ, പികെ പ്രൈം പ്രൊഡക്ഷന്‍, മെര്‍ക്കുറി മൂവീസ് എന്നിവരുടെ ബാനറില്‍ ശ്രീറാം ഭക്തിസരന്‍, സികെ പദ്മ കുമാര്‍, വരുണ്‍ മാതുര്‍, ഇളംപരീതി ഗജേന്ദ്രന്‍, സൗരഭ് മിശ്ര എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.
Recent Comments