സംവിധായകനായും നായകനായും ധനുഷ് എത്തുന്ന ചിത്രമാണ് രായന്‍. ധനുഷിന്റെ കരിയറിലെ 50-ാമത്തെ ചിത്രം കൂടിയാണ് രായന്‍. ധനുഷ് വന്‍ മേക്കോവറിലാണെത്തുന്ന രായന്‍ എന്ന സിനിമയുടെ അപ്‌ഡേറ്റ് പുറത്തുവിട്ടിരിക്കുകയാണ് നിര്‍മ്മാതാക്കളായ സണ്‍ പിക്‌ചേഴ്‌സ്. ജൂലൈ 26 ന് ചിത്രം പ്രദര്‍ശനത്തിനെത്തുമെന്ന് പോസ്റ്ററില്‍ സൂചിപ്പിക്കുന്നു. കേരളത്തില്‍ ഗോകുലം മൂവീസാണ് രായന്‍ തീയേറ്ററുകളില്‍ വിതരണത്തിന് എത്തിക്കുക.
അപര്‍ണ ബാലമുരളി, നിത്യ മേനന്‍, കാളിദാസ് ജയറാം, സുദീപ് കിഷന്‍, വരലക്ഷ്മി ശരത് കുമാര്‍, ദുഷ്‌റ വിജയന്‍, എസ്.ജെ. സൂര്യ, പ്രകാശ് രാജ്, സെല്‍വരാഘവന്‍ എന്നിവരും ചിത്രത്തില്‍ അണിനിരക്കുന്നുണ്ട്. രായനില്‍ ധനുഷ് നായകനായി എത്തുമ്പോള്‍ എസ്.ജെ. സൂര്യയാണ് പ്രതിനായകകഥാപാത്രത്തെ അവതരിപ്പിക്കുന്നത്.
ഛായാഗ്രഹണം ഓം പ്രകാശ്, സംഗീതം എ.ആര്. റഹ്‌മാന്‍, നിര്‍മ്മാണം സണ്‍ പിക്‌ച്ചേഴ്‌സ്. എഡിറ്റര്‍ പ്രസന്ന ജി.കെ, പ്രൊഡക്ഷന്‍ ഡിസൈനര്‍ ജാക്കി, ആക്ഷന്‍ കോറിയോഗ്രാഫര്‍ പീറ്റര്‍ ഹെയ്ന്‍, കോസ്റ്റിയൂം കാവ്യ ശ്രീറാം, മേക്കപ്പ് ബി. രാജ, എക്‌സിക്യൂട്ടീവ് പ്രൊഡ്യൂസര്‍ ശ്രേയസ് ശ്രീനിവാസന്‍, പ്രൊഡക്ഷന്‍ കണ്‍ട്രോളര്‍ ഡി. രമേഷ് കുച്ചിരായര്‍, പി.ആര്.ഒ റിയാസ് കെ. അഹമദ്.
Recent Comments