അവഞ്ചേഴ്‌സ് സംവിധായകരായ ആന്റണി റൂസോയും ജോയി റൂസോയും ഒരുക്കുന്ന ആക്ഷന്‍ എന്റര്‍ടെയ്‌നറാണ് ദി ഗ്രേ മാന്‍. നടന്‍ ധനുഷ് അഭിനയിക്കുന്ന ആദ്യ ഹോളിവുഡ് ചിത്രവും. കഴിഞ്ഞ ദിവസമാണ് ചിത്രത്തിന്റെ ട്രെയിലറില്‍ പുറത്തിറങ്ങിയത്. സൂപ്പര്‍ താരങ്ങളായ ക്രിസ് ഇവാന്‍സിന്റെയും റയാന്‍ ഗോസ്ലിങിന്റെയും ആക്ഷന്‍ രംഗങ്ങള്‍ കൊണ്ട് സമ്പന്നമാണ് ട്രെയിലറെങ്കിലും ധനുഷിന്റെ സാന്നിദ്ധ്യം നിമിഷങ്ങളില്‍ മാത്രം ഒതുങ്ങുന്നതാണ്. ഇത് ധനുഷ് ആരാധകരെ നിരാശരാക്കുന്നുണ്ടെങ്കിലും ചിത്രത്തില്‍ ഒരു പ്രധാന വേഷമാണ് ധനുഷ് കൈകാര്യം ചെയ്യുന്നത്.
നെറ്റ്ഫ്‌ളിക്‌സാണ് നിര്‍മ്മാതാക്കള്‍. ജൂലൈ 22ന് നെറ്റ്ഫ്‌ളിക്‌സ് ദി ഗ്രേ മാന്‍ റിലീസ് ചെയ്യും. നെറ്റ്ഫ്‌ളിക്സിന്റെ ചരിത്രത്തിലെ ഏറ്റവും വലിയ ബജറ്റില്‍ നിര്‍മ്മിക്കുന്ന ചിത്രവുമാണിത്. അനാ ഡി അര്‍മസ്, റെഗെ ജീന്‍ പേജ്, വാഗ്‌നര്‍ മൗറ, ജെസീക്ക ഹെന്‍വിക്, ജൂലിയ ബട്ടര്‍സ് എന്നിവരും ചിത്രത്തില്‍ അഭിനയിക്കുന്നു. 2009 ല്‍ മാര്‍ക്ക് ഗ്രീനി എഴുതിയ ദി ഗ്രേ മാന്‍ എന്ന നോവലിനെ അടിസ്ഥാനമാക്കിയാണ് ചിത്രത്തിന്റെ ആവിഷ്‌കാരം.
Recent Comments