ധ്യാന്‍ ശ്രീനിവാസന്‍, കലാഭവന്‍ ഷാജോണ്‍ എന്നിവര്‍ കേന്ദ്രകഥാപാത്രങ്ങളാകുന്ന പാര്‍ട്ട്‌ണേഴ്‌സിന്റെ റിലീസ് തീയതി പ്രഖ്യാപിച്ചു. ചിത്രത്തിന്റെ റിലീസ് തീയതി പ്രഖ്യാപന പോസ്റ്ററാണ് പുറത്തിറക്കിയത്. ജൂണ്‍ 28 നാണ് റിലീസ്. നവാഗതനായ നവീന്‍ ജോണ്‍ ആണ് സംവിധായകന്‍. കൊല്ലപ്പള്ളി ഫിലിംസിന്റെ ബാനറില്‍ ദിനേശ് കൊല്ലപ്പള്ളിയാണ് ഈ ത്രില്ലര്‍ ചിത്രം നിര്‍മ്മിക്കുന്നത്.
1989 ല്‍ കാസര്‍ഗോഡ് കര്‍ണ്ണാടക അതിര്‍ത്തി ഗ്രാമത്തില്‍ നടന്ന ഒരു യഥാര്‍ത്ഥ സംഭവത്തെ ആസ്പദമാക്കിയാണ് ചിത്രം ഒരുങ്ങുന്നതെന്ന് അണിയറക്കാര്‍ പറയുന്നു. ഹരിപ്രസാദ്, പ്രശാന്ത് കെ.വി., നവീന്‍ ജോണ്‍ എന്നിവര്‍ ചേര്‍ന്നാണ് തിരക്കഥ ഒരുക്കിയത്.
ധ്യാന്‍ ശ്രീനിവാസന്‍, കലാഭവന്‍ ഷാജോണ്‍ എന്നിവരെ കൂടാതെ സഞ്ജു ശിവറാം, അനീഷ് ഗോപാല്‍, ദിനേശ് കൊല്ലപ്പള്ളി, ഹരീഷ് പേരടി, ശ്രീകാന്ത് മുരളി, രാജേഷ് ശര്‍മ്മ, ഡോ. റോണി, നീരജ ശിവദാസ്, ദേവി രാജേന്ദ്രന്‍, വൈഷ്ണവി, തെലുങ്ക് താരം മധു സൂദന റാവു എന്നിവരും കഥാപാത്രങ്ങളെ അവതരിപ്പിക്കുന്നു. പിച്ചൈക്കാരന്‍ എന്ന തമിഴ് ചിത്രത്തിലൂടെ സിനിമയിലെത്തിയ സാറ്റ്‌ന ടൈറ്റസാണ് നായിക. ഛായാഗ്രഹണം ഫൈസല്‍ അലി. എഡിറ്റിംഗ് സുനില്‍ എസ്. പിള്ള. ബി.കെ. ഹരിനാരായണന്റെ വരികള്‍ക്ക് പ്രകാശ് അലക്‌സാണ് സംഗീതം പകരുന്നത്.
Recent Comments