ധ്യാന്‍ ശ്രീനിവാസന്‍ തിരക്കഥ രചിക്കുന്ന പുതിയ ചിത്രമാണ് ആപ് കൈസേ ഹോ’. ലൗ ആക്ഷന്‍ ഡ്രാമാ, പ്രകാശന്‍ പറക്കട്ടെ തുടങ്ങിയ ചിത്രങ്ങള്‍ക്കു ശേഷം ധ്യാന്‍ ശ്രീനിവാസന്‍ തിരക്കഥ എഴുതുന്ന ചിത്രം കൂടിയാണിത്.
നവാഗതനായ വിനയ് ജോസ് ഈ ചിത്രം സംവിധാനം ചെയ്യുന്നു. മലയാളത്തിലെ പ്രമുഖ സംവിധായകരായ ജി. മാര്‍ത്താണ്ഡന്‍, ജുഡ് ആന്റണി ജോസഫ്, മിഥുന്‍ മാനുവല്‍ തോമസ്, തോമസ് സെബാസ്റ്റ്യന്‍, ധ്യാന്‍ ശ്രീനിവാസന്‍ എന്നിവരുടെ കീഴില്‍ സംവിധാന സഹായിയായി വിനയ് ജോസ് പ്രവര്‍ത്തിച്ചിട്ടുണ്ട്.
ഒരു ബാച്ചിലര്‍ പാര്‍ട്ടിക്കിടെ സുഹൃത്തുക്കള്‍ തമ്മിലുണ്ടാകുന്ന പാരവയ്പ്പുകളും തുടര്‍ന്ന് അരങ്ങേറുന്ന സംഭവങ്ങളുമാണ് ആപ് കൈസേ ഹോയുടെ ഇതിവൃത്തം. തികച്ചും നര്‍മ്മത്തിലൂടെ കഥ പറയുന്നത്.
ധ്യാന്‍ ശ്രീനിവാസന്‍, അജു വര്‍ഗീസ്, സൈജുക്കുറുപ്പ്, രമേഷ് പിഷാരടി, ദിവ്യദര്‍ശന്‍, ധര്‍മ്മജന്‍ ബോള്‍ഗാട്ടി, സുധീഷ്, ജീവ എന്നിവര്‍ക്കൊപ്പം ശ്രീനിവാസനും ഒരു മുഖ്യ കഥാപാത്രത്തെ അവതരിപ്പിക്കുന്നു. സുരഭി സന്തോഷാണ് നായിക.
അംജൂസ് എബൗവ് വേള്‍ഡ് എന്റര്‍ടൈന്‍മെന്റിന്റെ ബാനറിലാണ് ഈ ചിത്രം നിര്‍മ്മിക്കുന്നത്.
സ്വാതി ദാസിന്റെ വരികള്‍ക്ക് ഡോണ്‍ വിന്‍സന്റ് സംഗീത സംവിധാനവും പശ്ചാത്തല സംഗീതവും ഒരുക്കുന്നു. അഖില്‍ ജോര്‍ജ് ഛായാഗ്രഹണവും നൗഷാദ് യൂസഫ് എഡിറ്റിംഗും നിര്‍വ്വഹിക്കുന്നു. കലാസംവിധാനം -അസിസ് കരുവാരക്കുണ്ട്. കോസ്റ്റ്യും ഡിസൈന്‍ – ഷാജി ചാലക്കുടി. മേക്കപ്പ് – വിപിന്‍ ഓമശ്ശേരി. ചീഫ് അസ്സോസ്സിയേറ്റ് ഡയറക്ടര്‍ ദിനില്‍ ബാബു. പ്രൊഡക്ഷന്‍ കണ്‍ട്രോളര്‍ സജീവ്ചന്തിരൂര്‍. വാര്‍ത്താപ്രചരണം വാഴൂര്‍ ജോസ്.
സെപ്റ്റംബര്‍ 6 ന് കൊച്ചിയില്‍ ഈ ചിത്രത്തിന്റെ ഷൂട്ടിംഗ് ആരംഭിക്കും.
Recent Comments