ധ്യാന്‍ ശ്രീനിവാസനെ കേന്ദ്ര കഥാപാത്രമാക്കി നവാഗതനായ അനില്‍ ലാല്‍ രചനയും സംവിധാനവും നിര്‍വഹിക്കുന്ന ചീനാ ട്രോഫിയുടെ ചിത്രീകരണം പൂര്‍ത്തിയായി. പുതുമുഖം ദേവിക രമേഷാണ് ചിത്രത്തിലെ നായിക.
ധ്യാന്‍ ശ്രീനിവാസനെ കൂടാതെ ജോണി ആന്റണി, ജാഫര്‍ ഇടുക്കി, കലാഭവന്‍ നാരായണന്‍കുട്ടി, സുനില്‍ ബാബു, ലിജോ ഉലഹന്നാന്‍, ജോര്‍ഡി പൂഞ്ഞാര്‍, റോയ് തോമസ് പാല, പൊന്നമ്മ ബാബു, ഉഷ, അഖില നാഥ്, ബബിത ബഷീര്‍ എന്നിവരും പ്രധാന വേഷങ്ങളിലെത്തുന്നു. ഇവര്‍ക്കൊപ്പം കെന്‍ ഡി സിര്‍ദോ എന്ന ചൈനീസ് താരവും ഈ ചിത്രത്തില്‍ പ്രധാന വേഷത്തിലെത്തുന്നു.
പ്രസിഡന്‍ഷ്യല്‍ മൂവീസ് ഇന്റര്‍നാഷണല്‍ പ്രൈവറ്റ് ലിമിറ്റഡ്, വര്‍ക്കേഴ്‌സ് ടാക്കീസ് എന്നീ ബാനറുകളില്‍ അനൂപ് മോഹന്‍, ആഷ്‌ലിന്‍ ജോയ് എന്നിവര്‍ ചേര്‍ന്നാണ് ഗ്രാമീണ പശ്ചാത്തലത്തിലുള്ള ഈ ചിത്രം നിര്‍മ്മിക്കുന്നത്. എന്‍.എം ബാദുഷ, ബഷീര്‍ പി.ടി. എന്നിവരാണ് സഹനിര്‍മ്മാതാക്കള്‍. സന്തോഷ് അണിമയാണ് ഛായാഗ്രാഹകന്‍. എഡിറ്റിങ് രഞ്ജന്‍ എബ്രഹാം, സംഗീതം സൂരജ് സന്തോഷ് & വര്‍ക്കി, ആര്‍ട്ട് അസീസ് കരുവാരക്കുണ്ട്, പ്രൊഡക്ഷന്‍ കണ്‍ട്രോളര്‍ സനൂപ് ചങ്ങനാശ്ശേരി, ചീഫ് അസ്സോസ്സിയേറ്റ് ഡയറക്ടര്‍ ഉമേഷ് എസ്. നായര്‍, കോസ്റ്റ്യൂം ശരണ്യ ജീബു, മേക്കപ്പ് അമല്‍ ചന്ദ്രന്‍, പി.ആര്‍.ഒ പി.ശിവപ്രസാദ്, സ്റ്റില്‍സ് പവിത്രന്‍ അണിമ എന്നിവരാണ് മറ്റ് അണിയറ പ്രവര്‍ത്തകര്‍.
Recent Comments