വിനീത് ശ്രീനിവാസന്‍ ചിത്രമായ വര്‍ഷങ്ങള്‍ക്കു ശേഷത്തിലെ സുപ്രധാനമായിരുന്ന രംഗമായിരുന്ന നിതിന്‍ മോളിയെന്ന സൂപ്പര്‍ സ്റ്റാറായുള്ള നിവിന് പോളിയുടെ വരവ്. സെല്‍ഫ് ട്രോളും ഇടിവെട്ടു ഡയലോഗുകളുമായി രണ്ടാം പകുതിയിലെ മാരക പെര്‍ഫോമന്‍സ് സിനിമയുടെ തന്നെ വഴിത്തിരിവായി മാറി. നിവിന് പോളിയെ പഴയ ഫോമില്‍ കാണാനായതിന്റെ സന്തോഷം കരഘോഷമായി തിയറ്ററുകളില്‍ മുഴങ്ങുകയും ചെയ്തു.
ഇപ്പോള്‍ നിവിന് പോളിക്ക് ഡയലോഗ് പറഞ്ഞ് കൊടുക്കുന്ന വിനീത് ശ്രീനിവാസന്റെ വീഡിയോ സോഷ്യല്‍ മീഡിയയില്‍ വൈറലാവുകയാണ്. വിനീതിന്റെ സഹസംവിധായകനായ ധനഞ്ജയ് ശങ്കറാണ് ആദ്യം ഈ വീഡിയോ പങ്കുവെച്ചത്. ഓരോ ഡയലാേഗിന്റെയും മോഡുലേഷനും അവ അവതരിപ്പിക്കേണ്ട രീതിയും വിനീത് നിവിന് അഭിനയിച്ച് കാണിച്ചു കൊടുക്കുന്നു.
എങ്ങനെയാണ് വിനീത് ഒരു സീനിനെ ഡെവലപ്പ് ചെയ്യുന്നതെന്നും വീഡിയോയില്‍ കാണാം. നിവിന്റെ ശക്തി കേന്ദ്രമായ ഹാസ്യാഭിനയത്തിനെ ഊറ്റിയെടക്കുകയാണ് വിനീത് എന്ന സംവിധായകന്‍. ഒരു പ്രത്യേക ഡയലോഗിന്റെ മോഡുലേഷനായി ‘നീ ഇത് ചെയ്യുമ്പോള്‍ നീരജിനെ ഓര്‍ത്താല്‍ മതി’ എന്നും വിനീത് പറയുന്നു. ഇതിന് മുമ്പ് തട്ടത്തിന്‍ മറയത്ത് എന്ന ചിത്രത്തിന്റെ ബിഹൈന്റ് ദ സീന്‍ വീഡിയോയിലും ഇതുപോലെ വിനീത് നിവിന് അഭിനയിച്ച് കാണിച്ച് കൊടുക്കുന്നത് കാണാമായിരുന്നു.
Recent Comments