ബാന്ദ്രയുടെ പ്രചരണാര്‍ത്ഥം ദിലീപും തമന്നയും തിരുവനന്തപുരം ലുലു മാളില്‍ എത്തിയപ്പോള്‍ അവരെ ഒരു നോക്ക് കാണുവാന്‍ ഒത്തുകൂടിയത് ആയിരങ്ങള്‍. ആഘോഷത്തിന്റെ രാവ് തീര്‍ത്ത് ദിലീപിനും തമന്നയ്ക്കും സംവിധായകന്‍ അരുണ്‍ ഗോപിക്കുമൊപ്പം ചിത്രത്തിന്റെ അണിയറ പ്രവര്‍ത്തകരും സന്നിഹിതരായിരുന്നു.
അരുണ്‍ ഗോപി സംവിധാനം നിര്‍വഹിക്കുന്ന ‘ബാന്ദ്ര’ വെള്ളിയാഴ്ച്ച തീയറ്ററുകളില്‍ എത്തുകയാണ്. രാമലീലയ്ക്ക് ശേഷം ഈ കൂട്ടുകെട്ട് വീണ്ടും ഒന്നിക്കുന്നുവെന്നതിനാല്‍ പ്രേക്ഷകര്‍ക്കും പ്രതീക്ഷ ഏറെയാണ്. സെന്‍സറിങ് പൂര്‍ത്തിയായ ചിത്രത്തിന് U/A സര്‍ട്ടിഫിക്കറ്റാണ് ലഭിച്ചിരിക്കുന്നത്. ചിത്രത്തിന്റെ ഓണ്‍ലൈന്‍ ബുക്കിംഗും ആരംഭിച്ചു. ആക്ഷനോടൊപ്പം പ്രണയവും കുടുംബ ബന്ധങ്ങളുടെ ആഴവും സംസാരിക്കുന്ന ഒരു ഫാമിലി ഡ്രാമ കൂടിയാണ് ബാന്ദ്ര. അജിത് വിനായക ഫിലിംസിന്റെ ബാനറില്‍ വിനായക അജിത് നിര്‍മ്മിക്കുന്ന ചിത്രത്തിന് ഉദയകൃഷ്ണയാണ് തിരക്കഥ ഒരുക്കുന്നത്.
അലന്‍ അലക്സാണ്ടര്‍ ഡൊമിനിക്കായി ദിലീപും താരജാനകിയായി തമന്നയും എത്തുന്നു. മംമ്ത മോഹന്‍ദാസും മറ്റൊരു പ്രധാന കഥാപാത്രത്തെ അവതരിപ്പിക്കുന്നു. തമിഴ് നടന്‍ ശരത് കുമാര്‍, ബോളിവുഡ് നടന്‍ ദിനോ മോറിയ, സിദ്ദിഖ്, കലാഭവന്‍ ഷാജോണ്‍, ഗണേഷ് കുമാര്‍ തുടങ്ങി വമ്പന്‍ താരനിരയാണ് ചിത്രത്തില്‍ അണിനിരക്കുന്നത്.
Recent Comments