ദിലീപിനെ നായകനാക്കി രതീഷ് രഘുനന്ദന്‍ സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ജനുവരി 28 ന് കോട്ടയത്ത് ആരംഭിച്ചിരുന്നു. കോട്ടയം രമേഷ്, അജ്മല്‍ അമീര്‍, സന്തോഷ് കീഴാറ്റൂര്‍, പ്രണിതാ സുഭാഷ് തുടങ്ങിയ താരങ്ങള്‍ ചിത്രീകരണത്തിന്റെ ഭാഗമായി പങ്കെടുക്കുകയും ചെയ്തു.
നാദിര്‍ഷയുടെ നേതൃത്വത്തില്‍ ദുബായില്‍ നടന്ന സ്റ്റേജ് പ്രോഗ്രാമില്‍ പങ്കെടുത്തശേഷം ദിലീപ് മടങ്ങിയെത്തിയത് കഴിഞ്ഞ ദിവസമാണ്. ഇന്ന് രാവിലെ അദ്ദേഹം സെറ്റില്‍ ജോയിന്‍ ചെയ്തു. ഈരാറ്റുപേട്ടയിലാണ് ഷൂട്ടിംഗ് നടക്കുന്നത്. വന്നപാടെ സംവിധായകനും സാങ്കേതികപ്രവര്‍ത്തകര്‍ക്കുമൊപ്പം സൗഹൃദം പങ്കിട്ട ശേഷമാണ്‌ അദ്ദേഹം മേക്കപ്പിനായി കാരവനിലേയ്ക്ക് കയറിയത്.
സൂപ്പര്‍ഗുഡ് ഫിലിംസും ഇഫാര്‍ മീഡിയയും ചേര്‍ന്നാണ് ഈ ബിഗ് ബജറ്റ് ചിത്രം നിര്‍മ്മിക്കുന്നത്. ചിത്രത്തിന് ഇനിയും പേരിട്ടിട്ടില്ല. കേരളത്തെ പിടിച്ചുകുലുക്കിയ ഒരു സംഭവത്തെ അധീകരിച്ചാണ് ചിത്രം ഒരുങ്ങുന്നത്.
പ്രണിതാ സുഭാഷിനെ കൂടാതെ നീതാപിള്ളയാണ് ദിലീപിന്റെ മറ്റൊരു നായിക. മനോജ് പിള്ള ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ ശ്യാം ശശിധരനാണ്. സ്റ്റില്‍സ് ശാലു പേയാട്
Recent Comments