ദിലീപിനെ നായകനാക്കി അരുണ്‍ ഗോപി സംവിധാനം ചെയ്യുന്ന ചിത്രത്തിന്റെ ടൈറ്റില്‍ ലോഞ്ച് നടന്നു. ദിലീപിന്റെ ജന്മദിനമായ ഒക്ടോബര്‍ 27 നാണ് ടൈറ്റില്‍ ലോഞ്ചും നടന്നത്. ബാന്ദ്ര എന്നാണ് ചിത്രത്തിന്റെ പേര്.
മുംബെയില്‍ നടന്ന ഒരു യഥാര്‍ത്ഥ സംഭവത്തെ ആസ്പദമാക്കിയാണ് ബാന്ദ്രയുടെ കഥ പുരോഗമിക്കുന്നത്. ത്രില്ലറാണ് ചിത്രം. സമീപകാലത്തെ ഏറ്റവും മുതല്‍ മുടക്കുള്ള മലയാളചിത്രംകൂടിയാണിത്.
ബോളിവുഡിലെ നിരവധി താരങ്ങളും ചിത്രത്തിന്റെ ഭാഗമാകുന്നു. ശരത് കുമാര്‍, സിദ്ദിഖ്, ലെന, കലാഭവന്‍ ഷാജോണ്‍, ജയ്‌സ് ജോസ് എന്നിവരാണ് മറ്റു താരങ്ങള്‍.
ഫോര്‍ട്ട് കൊച്ചിയില്‍ ചിത്രത്തിന്റെ ഷൂട്ടിംഗ് പുരോഗമിക്കുകയാണ്. ഉദയ് കൃഷ്ണയാണ് ബാന്ദ്രയുടെ തിരക്കഥാക്കൃത്ത്. ഷാജികുമാറാണ് ക്യാമറാമാന്‍. പ്രൊജക്ട് ഡിസൈനര്‍ നോബിള്‍ ജേക്കബ്ബ്.
അജിത് വിനായക് ഫിലിംസിന്റെ ബാനറില്‍ വിനായക അജിത്താണ് ചിത്രം നിര്‍മ്മിക്കുന്നത്. പി.ആര്‍.ഒ. വാഴൂര്‍ ജോസ്, ഫോട്ടോ. രാംദാസ് മാത്തൂര്‍.
Recent Comments