ദിലീപിൻ്റെ ഉടമസ്ഥതയിലുള്ള ദേ പുട്ട് റെസ്ടോറൻ്റ് ഇനി ജിദ്ദയിലും . ദിലീപും നാദിർഷയും ചേർന്നാണ് കഴിഞ്ഞ ദിവസം റെസ്ടോറൻ്റ് ഉദ്ഘാടനം നടത്തിയത് . മദീനാ റോഡ് ലുലു ഹൈപ്പർമാർക്കറ്റിന്റെ പുറത്താണ് റെസ്ടോറൻ്റ് സ്ഥിതി ചെയ്യുന്നത്.
11 വർഷം മുമ്പ് കൊച്ചിയിലായിരുന്നു ദേ പുട്ടിൻ്റെ ആരംഭം . ഉപഭോക്താക്കളുടെ മികച്ച പ്രതികരണങ്ങളെ തുടർന്ന് ഖത്തറിലും ദുബായിലും പുതിയ ഔട്ട്ലെറ്റുകൾ തുടങ്ങുകയായിരുന്നു . ഈ ഔട്ട്ലെറ്റുകളിലെ ജനസ്വീകാര്യത കണക്കിലെടുത്താണ് ഇപ്പോൾ ജിദ്ദയിലും ദേ പുട്ട് കച്ചവടം ആരംഭിച്ചിരിക്കുന്നത് .
ഒരു രാത്രിയിൽ കൊച്ചിയിൽ ഭക്ഷണം തേടി നടന്നപ്പോൾ, രണ്ടു കഷ്ണം പുട്ട് എങ്കിലും കിട്ടിയാൽ കഴിക്കാമെന്ന ദിലീപിൻ്റെയും നാദിർഷയുടെയും തോന്നലിൽ നിന്നാണ് ‘ദേ പുട്ട്’ എന്ന സംരംഭത്തിന്റെ പിറവി.പുട്ടിന്റെ പല ഫ്ലേവറുകൾ ഇവിടെ ലഭ്യമാണ്. ദിലീപ് സിനിമകളുടെ പേരുകളാണ് ദേ പുട്ടിലെ പുട്ടുകൾക്കുമുള്ളത് .
Recent Comments