അഫ്ഗാനിസ്ഥാനിലെ ആഭ്യന്തര യുദ്ധം മൂലം പ്രതിസന്ധിയിലായ ഒരു കുടുബത്തിന്റെ കഥ പറയുന്ന ‘ഓപ്പിയം വാര്‍’ രാജ്യാന്തര ചലച്ചിത്രമേളയില്‍ പ്രദര്‍ശിപ്പിക്കും. ഫ്രെമിംഗ് കോണ്‍ഫ്‌ളിക്ട് വിഭാഗത്തിലാണ് സിദ്ദിഖ് ബര്‍മാക് സംവിധാനം ചെയ്ത ചിത്രം പ്രദര്‍ശിപ്പിക്കുന്നത്.
യുദ്ധത്തിനിടയില്‍ വിമാനം തകര്‍ന്ന് മരുഭൂമിയില്‍ അകപ്പെട്ട രണ്ട് അമേരിക്കന്‍ സൈനികര്‍ അതിജീവനത്തിനായി ഒരു അഫ്ഗാന്‍ കുടുംബത്തെ ആശ്രയിക്കുന്നതാണ് ചിത്രത്തിന്റെ പ്രമേയം. 2008ലെ ഓസ്‌കാര്‍ അവാര്‍ഡിനു തെരെഞ്ഞെടുക്കപ്പെട്ട ചിത്രം റോം ഫിലിം ഫെസ്റ്റിവലില്‍ ഗോള്‍ഡന്‍ മാര്‍ക് ഒറേലിയോ പുരസ്‌കാരം നേടിയിട്ടുണ്ട്. അഫ്ഗാന്റെ രാഷ്ട്രീയം ആദ്യ ചിത്രമായ ഒസാമയിലൂടെ ലോകത്തിനു മുന്നില്‍ എത്തിച്ച സിദ്ദിഖ് ബര്‍മാകിന്റെ രണ്ടാമത്തെ ചിത്രമാണിത്.
Recent Comments