മലയാളസിനിമയിലെ തലമുതിര്ന്ന സംവിധായകന് സ്റ്റാന്ലി ജോസിന്റെ പുതിയ ചിത്രം ‘ലൗ ആന്റ് ലൈഫ്’ റിലീസിനൊരുങ്ങി. മലയാളത്തിലെ എക്കാലത്തെയും സൂപ്പര്ഹിറ്റ് ചിത്രങ്ങള്ക്ക് ഭാഗമാകാന് കഴിഞ്ഞ സംവിധായകനാണ് സ്റ്റാന്ലി ജോസ്. മുപ്പത്തിയാറ് വര്ഷങ്ങള്ക്ക് ശേഷം എണ്പത്തിയാറാം വയസ്സിലാണ് സ്റ്റാന്ലി ജോസ് തന്റെ പുതിയ ചിത്രവുമായി പ്രേക്ഷകരിലേയ്ക്കെത്തുന്നത്. അദ്ദേഹത്തിന്റെ പത്നി കനകം സ്റ്റെല്ലയാണ് കഥയും തിരക്കഥയും രചിച്ചിരിക്കുന്നത്.
ഉദയായുടെ ഒട്ടുമുക്കാല് സിനിമകളുടെയും അസോസിയേറ്റ് ഡയറക്ടര് സ്റ്റാന്ലിയായിരുന്നു. മഞ്ഞില് വിരിഞ്ഞ പൂക്കള്, തച്ചോളി അമ്പു, പടയോട്ടം തുടങ്ങിയ ചിത്രങ്ങളുടെയെല്ലാം വിജയത്തിന് പിന്നില് സ്റ്റാന്ലി ജോസ് ഉണ്ടായിരുന്നു. ‘അന്തകുയില് നീ താനാ എന്ന’ തമിഴ് ചിത്രത്തിന് ശേഷം അദ്ദേഹം ഒരുക്കുന്ന ചിത്രമാണ് ലൗ ആന്റ് ലൈഫ്. വേഴാമ്പല്, അമ്മയും മകളും, ആ പെണ്കുട്ടി നീയായിരുന്നെങ്കില് എന്നീ ചിത്രങ്ങളാണ് അദ്ദേഹം സ്വതന്ത്രമായി സംവിധാനം ചെയ്ത ചിത്രങ്ങള്.
![](https://www.canchannels.com/wp-content/uploads/2022/10/StanleyJose-Kanakam.jpg)
മലയാളസിനിമയില് ഇന്നേവരെ പരീക്ഷിക്കാത്ത പ്രണയത്തിന്റെ മറ്റൊരു തലമാണ് ഈ ചിത്രത്തില് താന് അവതരിപ്പിക്കുന്നതെന്ന് സംവിധായകന് സ്റ്റാന്ലി ജോസ് പറഞ്ഞു. മെരിലാന്റ് സുബ്രഹ്മണ്യം, ഉദയാ കുഞ്ചാക്കോ തുടങ്ങിയ മലയാളസിനിമയിലെ പ്രതിഭകള്ക്കൊപ്പമാണ് സ്റ്റാന്ലി ജോസ് സിനിമാജീവിതം തുടങ്ങിയത്. എം കൃഷ്ണന്നായര്, കെ എസ് സേതുമാധവന്, എ വിന്സെന്റ്, പി എന് മേനോന്, തോപ്പില് ഭാസി, രഘുനാഥ് എന്നിവര്ക്കൊപ്പം പ്രവര്ത്തിച്ചിരുന്നു. ‘ഓളവും തീരവും’ എന്ന ചിത്രത്തിന്റെ സഹസംവിധായകനുമായിരുന്നു. നടി ശ്രീദേവിയെ പന്ത്രണ്ടാം വയസ്സില് സിനിമയിലേക്ക് പരിചയപ്പെടുത്തിയത് സ്റ്റാന്ലി ജോസിന്റെ കന്നിസംവിധാനസംരംഭമായ ‘വേഴാമ്പല് ‘എന്ന ചിത്രത്തിലൂടെയായിരുന്നു. ഇന്നത്തെ പ്രമുഖ സംവിധായകരായ പ്രിയദര്ശന്, സിബിമലയില്,
ഫാസില് തുടങ്ങിയവരുടെ ഗുരു കൂടിയാണ് സ്റ്റാന്ലി ജോസ്.
ഡോ. പ്രേംകുമാര് വെഞ്ഞാറമൂട്, അഭിനയ്, ശോഭപ്രിയ, അശ്വിന് സജീവ്, ധനേശ്വരി, മജീദ്, ടോണി, സെല്വരാജ് കണ്ണേറ്റില്, മദന്ലാല്, മോളി കണ്ണമാലി, ഷിബു തിലകന്, ഷാജി മുഹമ്മ, സലിം കലവൂര് തുടങ്ങിയവരാണ് ചിത്രത്തില് അഭിനയിക്കുന്നത്.
ബാനര് നവോത്ഥാന ക്രിയേഷന്സ്, ക്യാമറ ഷാജി ജേക്കബ്, എഡിറ്റര് എയ്ജു, പ്രൊഡക്ഷന് കണ്ട്രോളര് ഷാജി മുഹമ്മ, കോസ്റ്റ്യൂം ഷാജി കൂനമ്മാവ്, മേക്കപ്പ് ബോബന് ആലപ്പുഴ, ഗാനരചന ഡോ.പ്രേംകുമാര് വെഞ്ഞാറമൂട്, സെല്വരാജ് കണ്ണേറ്റില്, ഡോ. ശ്രീരഞ്ജിനി, ഡോ.ഉഷാകുമാരി. സംഗീതം ആന്റേഴ്സണ് ആലപ്പുഴ, പശ്ചാത്തല സംഗീതം രഞ്ജിത്ത്, പിആര്ഒ പിആര് സുമേരന്, സ്റ്റുഡിയോ കെ സ്റ്റുഡിയോസ്, ഡിസൈന് എം ഡിസൈന്സ്.
Recent Comments