ഡോ. ബിജു സംവിധാനം ചെയ്യുന്ന പുതിയ സസ്പെന്‍സ് ത്രില്ലര്‍ ചിത്രത്തില്‍ ടൊവിനോ തോമസും നിമിഷ സജയനും ഒന്നിക്കുന്നു. ഇന്ദ്രന്‍സാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ദേശീയ അവാര്‍ഡ് നേടിയ വീട്ടിലേക്കുള്ള വഴി, പേരറിയാത്തവര്‍, വലിയ ചിറകുള്ള പക്ഷികള്‍ എന്നീ സിനിമകള്‍ക്ക് ശേഷം ഡോ. ബിജു ഒരുക്കുന്ന ‘അദൃശ്യ ജാലകങ്ങളു’ടെ ഫസ്റ്റ് ലുക്ക് പുറത്തു വന്നു.
”അദൃശ്യ ജാലകങ്ങള്‍ യാഥാര്‍ത്ഥ്യത്തെ സര്‍റിയലിസ്റ്റിക് സങ്കല്‍പ്പങ്ങളും ദൃശ്യങ്ങളും സുഗമമായി കൂട്ടിക്കലര്‍ത്തുന്ന രീതി പിന്തുടരുന്നു. നമ്മുടെ ശക്തമായ സാമൂഹിക സാംസ്‌കാരിക നിലപാടുകള്‍ ഊട്ടിയുറപ്പിക്കുന്നതോടൊപ്പം തന്നെ കലാപരമായും സൗന്ദര്യപരമായും ഉന്നതമായ സൃഷ്ടികള്‍ നല്‍കുക എന്നതാണ് ചലച്ചിത്രനിര്‍മ്മാണത്തിലെ എന്റെ ലക്ഷ്യം” സംവിധായകന്‍ പറഞ്ഞു.
തെലുങ്കിലെ എള്ളനാര്‍ ഫിലിംസ്, ടൊവിനോ തോമസ് പ്രൊഡക്ഷന്‍സ് എന്നിവയോടൊപ്പം മൈത്രി മൂവി മേക്കേഴ്സും ചേര്‍ന്നാണ് ‘അദൃശ്യ ജാലകങ്ങള്‍’ നിര്‍മ്മിക്കുന്നത്. അല്ലു അര്‍ജുന്‍ നായകനായി എത്തിയ സൂപ്പര്‍ ഹിറ്റ് ചിത്രം ‘പുഷ്പ’ നിര്‍മ്മിച്ചത് മൈത്രി മൂവി മേക്കേഴ്സ് ആണ്.
ഛായാഗ്രഹണം യദു രാധാകൃഷ്ണനും, ചീഫ് അസോസിയേറ്റ് ഡയറക്ടര്‍ ഡേവിസ് മാനുവല്‍, അസോസിയേറ്റ് ഡയറക്ടര്‍ ഫ്‌ളെവിന്‍ ശിവന്‍, കോസ്റ്റിയൂം അരവിന്ദ് കെ.ആര്., ലൈന്‍ പ്രൊഡ്യൂസര്‍ എല്‍ദോ ശെല്‍വരാജ്, മേക്കപ്പ് പട്ടണം ഷാ, എക്‌സിക്യൂട്ടീവ് പ്രൊഡ്യൂസര്‍ ക്രിസ് ജറോം എന്നിവരാണ് മറ്റ് അണിയറ പ്രവര്‍ത്തകര്‍.
Recent Comments