ദുല്‍ഖര്‍ സല്‍മാന്‍ പ്രധാന വേഷത്തിലെത്തുന്ന മാസ് ആക്ഷന് എന്റര്‍ടെയ്‌നര്‍ കിങ് ഓഫ് കൊത്തയുടെ ട്രെയിലര്‍ പുറത്ത്. ഒരു മണിക്കൂറിനുള്ളില്‍ ഒരു ദശലക്ഷത്തോളം ആളുകള്‍ ട്രെയിലര്‍ കണ്ടു കഴിഞ്ഞു. ഷാറൂഖ് ഖാന്‍, മോഹന്‍ ലാല്‍, സൂര്യ, നാഗാര്‍ജുന തുടങ്ങിയ താരങ്ങള്‍ ട്രെയിലര്‍ ഔദ്യോഗികമായി റിലീസ് ചെയ്തു. സീ സ്റ്റുഡിയോസിന്റെ യൂട്യൂബ് ചാനലിലൂടെയും ട്രെയിലര്‍ കാണാം.
മാസ് ലുക്കുകൊണ്ടും കിടിലന്‍ ഡയലോഗ് കൊണ്ടും ട്രെയിലര്‍ പ്രേക്ഷകനെ ആകര്‍ഷിക്കുന്നുണ്ട്. അഭിലാഷ് ജോഷിയാണ് കിങ് ഓഫ് കോത്ത സംവിധാനം ചെയ്യുന്നത്. സീ സ്റ്റുഡിയോസും ദുല്‍ഖറിന്റെ വേഫര്‍ ഫിലിംസും ചേര്‍ന്നാണ് നിര്‍മാണം.
കണ്ണന്‍ എന്ന കഥാപാത്രമായി ഷബീര്‍ കല്ലറയ്ക്കലും ഷാഹുല്‍ ഹസന്‍ എന്ന പോലീസ് ഉദ്യോഗസ്ഥനായി തമിഴ് താരം പ്രസന്നയും എത്തുന്നു. താര എന്ന കഥാപാത്രത്തെ അവതരിപ്പിക്കുന്ന ഐശ്വര്യ ലക്ഷ്മിയാണ്. മഞ്ജുവായി നൈല ഉഷയും അഭിനയിക്കുന്നു. ചെമ്പന്‍ വിനോദ്, ഗോകുല്‍ സുരേഷ്, ദുല്‍ഖറിന്റെ അച്ഛനായി ഷമ്മി തിലകന്‍, ശാന്തി കൃഷ്ണ, അനിഖാ സുരേന്ദ്രന്‍ തുടങ്ങിയവരും പ്രധാന വേഷങ്ങളിലെത്തുന്നു.
ആക്ഷന് ഏറെ പ്രാധാന്യമുള്ള ചിത്രത്തിന്റെ സംഘട്ടനരംഗങ്ങളൊരുക്കുന്നത് രാജശേഖറാണ്. ജേക്‌സ് ബിജോയ്, ഷാന്‍ റഹ്‌മാന്‍ എന്നിവരാണ് സംഗീതസംവിധാനം നിര്‍വഹിക്കുന്നത്.
ഛായാഗ്രഹണം: നിമിഷ് രവി, സ്‌ക്രിപ്റ്റ്: അഭിലാഷ് എന്‍. ചന്ദ്രന്‍, പ്രൊഡക്ഷന്‍ ഡിസൈനര്‍: നിമേഷ് താനൂര്‍, എഡിറ്റര്‍: ശ്യാം ശശിധരന്‍, കൊറിയോഗ്രാഫി: ഷെറീഫ്, മേക്കപ്പ്: റോണെക്‌സ് സേവിയര്‍, വസ്ത്രാലങ്കാരം: പ്രവീണ്‍ വര്‍മ, സ്റ്റില്‍സ്: ഷുഹൈബ് എസ്.ബി.കെ, പ്രൊഡക്ഷന്‍ കണ്‍ട്രോളര്‍: ദീപക് പരമേശ്വരന്‍, മ്യൂസിക്: സോണി മ്യൂസിക്, വിതരണം: വെഫേറര്‍ ഫിലിംസ്, പിആര്‍ഒ പ്രതീഷ് ശേഖര്‍. ചിത്രം ഓഗസ്റ്റില്‍ തിയറ്റുകളിലെത്തും.
Recent Comments