ദുല്‍ഖര്‍ സല്‍മാനെ കേന്ദ്രകഥാപാത്രമാക്കി പ്രശസ്ത സംവിധായകരായ രാജ് ആന്റ് ഡികെ ഒരുക്കുന്ന വെബ് സീരീസിന് ടൈറ്റിലായി- ഗണ്‍സ് ആന്റ് ഗുലാബ്‌സ്.
ഫാമിലിമാന്‍ എന്ന വെബ് സീരീസിലൂടെ ശ്രദ്ധേയരായവരാണ് രാജ് ആന്റ് ഡികെ എന്ന ചുരുക്കപ്പേരില്‍ അറിയപ്പെടുന്ന രാജ് നിധിമോരുവും കൃഷ്ണ ഡി.കെയും. ആമസോണ്‍ ആയിരുന്നു ഫാമിലിമാനിന്റെ നിര്‍മ്മാതാക്കള്‍. മനോജ് ബാജ്‌പേയ്, സാമന്ത, പ്രിയാമണി, നീരജ് മാധവ് തുടങ്ങിയവരായിരുന്നു ഈ ജനപ്രിയ വെബ് സീരീസിലെ പ്രധാന അഭിനേതാക്കള്‍.
ഇതാദ്യമായിട്ടാണ് രാജ് ആന്റ് ഡികെ നെറ്റ്ഫ്‌ളിക്‌സുമായി ചേര്‍ന്ന് ഒരു വെബ് സീരീസ് ഒരുക്കുന്നത്. ദുല്‍ഖര്‍ സല്‍മാന്റെയും ആദ്യ വെബ്‌സീരീസാണിത്. കാരവന്‍, ദി സോയ ഫാക്ടര്‍ തുടങ്ങിയ ഹിന്ദി ചിത്രങ്ങളിലൂടെ ബോളിവുഡിന് പരിചിതനാണ് ദുര്‍ഖര്‍. രാജ് കുമാര്‍ റാവുവും ആദര്‍ശ് ഗൗരവുമാണ് ദുല്‍ഖറിനോടൊപ്പം ഈ വെബ് സീരീസില്‍ സ്‌ക്രീന്‍ സ്‌പെയ്‌സ് പങ്കിടുന്നവര്‍.
കോമഡി ക്രൈം ത്രില്ലറാണ് ഗണ്‍സ് ആന്റ് ഗുലാബ്‌സ്.
Recent Comments