ജൂണ്‍ 27 ന് ലോകമെമ്പാടും റിലീസ് ചെയ്ത കല്‍ക്കി 2898 എഡി സ്വദേശത്തും വിദേശത്തും വലിയ ചര്‍ച്ചാവിഷയമായിക്കഴിഞ്ഞു. 600 കോടി മുതല്‍മുടക്കില്‍ നിര്‍മ്മിച്ച ചിത്രം നാളിതുവരെ കളക്ട് ചെയ്തത് 700 കോടിക്ക് മേലെയാണ്. വാരാന്ത്യത്തോടെ 900 കോടി ക്ലബ്ബില്‍ കയറുമെന്നാണ് പ്രതീക്ഷിക്കുന്നത്.
പ്രഭാസ് ഉള്‍പ്പെടെ അഭിതാഭ് ബച്ചനും ദീപികാ പദുകോണും കമല്‍ഹാസനും മികച്ച പ്രകടനമാണ് കാഴ്ചവച്ചത്. കൂടാതെ നിരവധി താരങ്ങളും ചിത്രത്തില്‍ അതിഥി വേഷത്തില്‍ എത്തുന്നുണ്ട്. ഇക്കൂട്ടത്തില്‍ ചെറുതും എന്നാല്‍ പ്രാധാന്യമുള്ളതുമായ വേഷങ്ങള്‍ ദുല്‍ഖര്‍ സല്‍മാനും വിജയ് ദേവരകൊണ്ടയും ചെയ്തിട്ടുണ്ട്.
ഇതിനിടെ സംവിധായകന്‍ നാഗ് അശ്വിന്‍ ബുളിവുഡ് മാധ്യമത്തിന് നല്‍കിയ അഭിമുഖത്തില്‍, ദുല്‍ഖര്‍ സല്‍മാനും വിജയ് ദേവരകൊണ്ടയും കല്‍ക്കി 2 ല്‍ കാണുമോ എന്ന ചോദ്യത്തിനുള്ള മറുപടി നല്‍കിയത് ഇങ്ങനെയാണ്.
ഈ ഭാഗത്ത് അവരുടെ റോളുകള്‍ കൃത്യമായി പരിമിതപ്പെടുത്തിയിരുന്നു. പക്ഷേ, അത് മറ്റേതെങ്കിലുമായി വികസിപ്പിക്കാന്‍ കഴിയുന്നതാണ്, പ്രത്യേകിച്ചും ദുല്‍ഖര്‍ സല്‍മാന്റെ റോള്‍. ഇവരുടെ ക്യാമിയോ റോളിനെ ചുറ്റിപ്പറ്റി കുറെ തിയറികള്‍ പ്രേക്ഷകരുടെ ഭാഗത്തുനിന്നും വരുന്നതായി കാണുന്നുണ്ടെന്നും ഒരു കഥാപാത്രത്തിന്റെ വികാസത്തിന് അത്തരം നല്ല തിയറികളും ഉപയോഗിക്കാവുന്നതാണെന്നും സംവിധായകന്‍ നാഗ് അശ്വിന്‍ പറഞ്ഞു.
Recent Comments