രാജമൗലി ചിത്രങ്ങളിലൂടെ മലയാളി പ്രേക്ഷകര്‍ക്കിടയില്‍ ഏറെ ആരാധകര്‍ ലഭിച്ച താരമാണ് കിച്ച സുദീപ്. ഈച്ചയിലും ബാഹുബലിയിലും ഒക്കെ വലുതും ചെറുതുമായ വേഷങ്ങള്‍ കൈകാര്യം ചെയ്ത പ്രിയ താരം. കിച്ച സുദീപ് നായക വേഷത്തിലെത്തുന്ന ചിത്രമാണ് വിക്രാന്ത് റോണ. പൂര്‍ണമായും 3ഡി യില്‍ ഒരുങ്ങുന്ന ചിത്രം ജൂലൈ 28 ന് ലോകമെമ്പാടുമുള്ള 6000 സ്‌ക്രീനുകളില്‍ പ്രദര്‍ശനത്തിനെത്തും. ചിത്രത്തിലെ ട്രെയിലറിനും പാട്ടുകള്‍ക്കും ഗംഭീര സ്വീകരണമാണ് ലഭിച്ചത്. ഇതിനോടകം 104 മില്യണ്‍ കാഴ്ചക്കാരാണ് പ്രൊമോഷന്‍ കണ്ടത്.
അനൂപ് ഭണ്ടാരിയാണ് സംവിധായകന്‍. ഒരു ഫാന്റസി ആക്ഷന്‍ ചിത്രമാണിത്. ശാലിനി ജാക്ക് മഞ്ജുവും അലങ്കാര്‍ പാണ്ട്യനും ചേര്‍ന്നു നിര്‍മ്മിക്കുന്ന ചിത്രത്തില്‍ സുദീപിന്റെ കിച്ച ക്രീയേഷന്‍സും പങ്കാളിയാണ്. വില്യം ഡേവിഡാണ് ക്യാമറാമാന്‍. അജിനേഷ് ലോകനാഥ് സംഗീത സംവിധായകനും.
വിക്രാന്ത് റോണയെ കേരളത്തിലെത്തിക്കുന്നത് ദുല്‍ഖര്‍ സല്‍മാന്റെ വെയ്ഫാറര്‍ ഫിലിംസാണ്. കേരളത്തിലെ മുന്‍നിര ഡിസ്ട്രിബ്യൂഷന്‍ കമ്പനികളില്‍ ഒന്നായ വെയ്ഫറര്‍ വിക്രാന്ത് റോണക്കായി വിപുലമായ റീലീസ് ഒരുക്കങ്ങളാണ് പ്ലാന്‍ ചെയ്യുന്നത്.
Recent Comments