മലയാളത്തിലേയ്ക്ക് മറ്റൊരു സോഷ്യോപൊളിറ്റിക്കല്‍ ത്രില്ലര്‍ കൂടി റിലീസിനൊരുങ്ങുന്നു. വിനീത് ശ്രീനിവാസന്റെ അസോസിയേറ്റ് ഡയറക്ടറായിരുന്ന അരുണ്‍ചന്ദു ആദ്യമായി കഥയെഴുതി സംവിധാനം ചെയ്യുന്ന സായാഹ്നവാര്‍ത്തകള്‍ എന്ന ചിത്രത്തിന്റെ ട്രെയിലര്‍ പുറത്തിറങ്ങുമ്പോള്‍ പ്രതീക്ഷയ്ക്ക് ഏറെ വക നല്‍കുന്നു. പതിവിന് വിരുദ്ധമായി വ്യത്യസ്തമായ രണ്ട് കഥാപാത്രങ്ങളെ ധ്യാന്‍ ശ്രീനിവാസനും ഗോകുല്‍ സുരേഷും അവതരിപ്പിക്കുന്നു. ഒപ്പം കൈകോര്‍ക്കാന്‍ അജു വര്‍ഗ്ഗീസും ഇന്ദ്രന്‍സും.
ഡിഫോര്‍ട്ടീന്‍ എന്റര്‍ടൈന്‍മെന്റ്‌സിന്റെ ബാനറിലാണ് ചിത്രത്തിന്റെ നിര്‍മ്മാണം. ഡെന്നീസ് എന്ന പത്രപ്രവര്‍ത്തകന്റെയും രവികുമാര്‍ എന്ന സര്‍ക്കാര്‍ ഉദ്യോഗസ്ഥനായ ഒരു സാധാരണക്കാരന്റെയും കഥ കൂടിയാണ് സായാഹ്ന വാര്‍ത്തകള്‍. ഡെന്നീസിനെ ധ്യാനും രവികുമാറിനെ ഗോകുലും അവതരിപ്പിക്കുന്നു. എറണാകുളം, കല്‍ക്കട്ട കൂടാതെ നേപ്പാള്‍ ബോര്‍ഡര്‍ എന്നീ സ്ഥലങ്ങളായിരുന്നു പ്രധാന ലൊക്കേഷന്‍.
Recent Comments