കണ്ണൂര്‍ ജില്ലയിലെ മലയോര ഗ്രാമം ആലക്കോട് നിന്നും പതിനെട്ടുകാരിയായ അനീറ്റ അഗസ്റ്റിന്‍ സംവിധാന രംഗത്തേയ്ക്ക്. ബാംഗ്ലൂര്‍ തീയേറ്റര്‍ ആര്‍ട്‌സ് വിദ്യാര്‍ത്ഥിനിയായ അനീറ്റ ഒരുക്കുന്ന സസ്‌പെന്‍സ് ത്രില്ലറാണ് മൂരി. പോലീസ് ഓഫീസറും നടനുമായ അഗസ്റ്റിന്‍ വര്‍ഗീസിന്റെ മകള്‍ കൂടിയാണ് അനീറ്റ. സംവിധാനത്തോടൊപ്പം ചിത്രത്തിന്റെ രചനയും അനീറ്റ തന്നെയാണ് നിര്‍വ്വഹിച്ചിരിക്കുന്നത്. മേക്കുന്നേല്‍ ഫിലിംസിന്റെ ബാനറില്‍ വിന്‍സെന്റ് മേക്കുന്നേല്‍ ആണ് ചിത്രം നിര്‍മ്മിക്കുന്നത്.
പുതുമുഖം ഫ്രിഡോള്‍ മേക്കുന്നേല്‍, മുഹമ്മദ് റിയാസ് എന്ന പോലീസ് ഓഫീസറായി എത്തുന്നു. നായിക പുതുമുഖം തപസ്യ. കൂടാതെ സീമ ജി നായര്‍, സാംജി, മധുസൂദനന്‍, സോമരാജ് (തൊണ്ടി മുതലും ദൃക്സാക്ഷിയും ഫെയിം) അഗസ്റ്റിന്‍ വര്‍ഗീസ്, വിനീത, ഉദയരാജ് (റീല്‍ തമിഴ് ഫിലിം ഹീറോ) വെങ്കിട്ടരാം, വിന്‍സെന്റ് മേക്കുന്നേല്‍, നിസാര്‍, മനോജ് മനു, മജേഷ്, സന്ധ്യ, അനീറ്റ അഗസ്റ്റിന്‍, റൂബി തോമസ് (റുബി ഫിലംസ്), ബേബി മഹിമ തുടങ്ങിയവരും അഭിനയിക്കുന്നു.
കുട്ടികള്‍ക്ക് നേരെയുള്ള ലൈംഗീക അതിക്രമത്തിന് ശക്തമായ ഒരു താക്കീതാണ് മൂരി എന്ന സിനിമയിലൂടെ പറയുന്നത്. തമിഴിലും മലയാളത്തിലുമായി പൂര്‍ത്തിയായ ഈ ചിത്രത്തിന്റെ സംഗീതസംവിധാനം ജീവന്‍ സോമന്‍ നിര്‍വ്വഹിച്ചിരിക്കുന്നു. എഡിറ്റിങ് ലിന്റോ തോമസ്, സംഘട്ടനം മാഫിയ ശശി, ഗാനരചന ദീപചന്ദ്രോത്, ഛായാഗ്രഹണം സാജന്‍ പി ജെ., ഗാനാലാപനം അഭിജിത് കൊല്ലം, അന്ന ബേബി. പ്രൊഡക്ഷന്‍ കണ്‍ട്രോളര്‍ രാജേഷ് കളമശേരി, പ്രൊജക്റ്റ് ഡിസൈനര്‍ അഗസ്റ്റിന്‍ വര്‍ഗീസ്. മേക്കപ്പ് പിയുഷ് പുരുഷു. ശബ്ദ മിശ്രണം മനുവര്‍ഗീസ്. പശ്ചാത്തല സംഗീതം ജോസി ആലപ്പുഴ. ആര്‍ട്ട് ബിനീഷ് തൃശൂര്‍. പ്രൊഡക്ഷന്‍ എക്‌സിക്യൂട്ടീവ് ബിനീഷ് ബാബു തൃശൂര്‍. സഹ സംവിധാനം അരുണ്‍ അലക്‌സ്. സംവിധാന സഹായികള്‍ ജോമോന്‍ ജോര്‍ജ്, ഷിന്‍സ് മാത്യു. വസ്ത്രലങ്കാരം. മിനി കോട്ടയം. പി ആര്‍ ഓ എം കെ ഷെജിന്‍ ആലപ്പുഴ.
Recent Comments