സുരാജ് വെഞ്ഞാറമൂട്, ബേസില്‍ ജോസഫ്, സൈജു ക്കുറുപ്പ് എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന ‘എങ്കിലും ചന്ദ്രികേ’ ഫെബ്രുവരി 10 ന് തീയേറ്ററുകളില്‍ പ്രദര്‍ശനത്തിനെത്തും. ഫ്രൈഡേ ഫിലിംസിന്റെ ബാനറില്‍ വിജയ് ബാബുവാണ് ചിത്രം നിര്‍മ്മിക്കുന്നത്. ഫ്രൈഡേ ഫിലിംസിനാണ് വിതരണാവകാശവും.
നവാഗതനായ ആദിത്യന്‍ ചന്ദ്രശേഖരനാണ് ചിത്രത്തിന്റെ സംവിധായകന്‍.
ഉത്തര മലബാറിലെ ഒരിടത്തരം ഗ്രാമത്തില്‍ അരങ്ങേറുന്ന സംഭവങ്ങളാണ് ചിത്രത്തിന്റെ പ്രമേയം. പൂര്‍ണ്ണമായും ഇതൊരു നര്‍മ്മ ചിത്രംകൂടിയാണ്.
നിരഞ്ജനാ അനൂപും തന്‍വി റാമുമാണ് നായികമാര്‍. അശ്വിന്‍, രാജേഷ് ശര്‍മ്മ, അഭിറാം രാധാകൃഷ്ണന്‍ എന്നിവരും തെരഞ്ഞെടുത്ത ഇരുപത്തിയഞ്ചോളം പുതുമുഖങ്ങളും ഈ ചിത്രത്തില്‍ അണിനിരക്കുന്നു.
ആദിത്യന്‍ ചന്ദ്ര ശേഖരനും, അര്‍ജുന്‍ നാരായണനും ചേര്‍ന്നാണ് തിരക്കഥ രചിച്ചിരിക്കുന്നത്. വിനായക് ശശികുമാറിന്റെ വരികള്‍ക്ക് ഇഫ്തി ഈണം പകര്‍ന്നിരിക്കുന്നു. ഛായാഗ്രഹണം ജിതിന്‍ സ്റ്റാന്‍സിലോസ്. പി.ആര്.ഒ. വാഴൂര്‍ ജോസ്.
Recent Comments