ഫഹദ് ഫാസിലിന്റെ തെലുങ്ക് അരങ്ങേറ്റചിത്രമാണ് ‘പുഷ്പ’. അല്ലു അര്‍ജുന്‍ നായകനാവുന്ന ചിത്രത്തില്‍ വില്ലനായാണ് ഫഹദ് എത്തുന്നത്. ചിത്രം ഡിസംബര്‍ 25ന് റിലീസ് ചെയ്യാന്‍ ഒരുങ്ങുകയാണ്.
ഇപ്പോഴിതാ, ചിത്രത്തിലെ ഫഹദിന്റെ ഫസ്റ്റ് ലുക്ക് പുറത്ത് വിട്ടിരിക്കുകയാണ്. തല മൊട്ടയടിച്ച്, തീക്ഷ്ണമായ നോട്ടവുമായി ഇതുവരെ കാണാത്തൊരു ലുക്കിലാണ് ഫഹദ് എത്തുന്നത്. ബന്‍വാര്‍ സിങ് ഷെക്കാവത്ത് ഐ.പി.എസ്. എന്ന വില്ലന്‍ കഥാപാത്രത്തെയാണ് ഫഹദ് അവതരിപ്പിക്കുന്നത്.
സുകുമാര്‍ ആണ് ചിത്രം സംവിധാനം ചെയുന്നത്. ആര്യ, ആര്യ 2 തുടങ്ങിയ ഹിറ്റുകള്‍ക്ക് ശേഷം അല്ലു അര്‍ജുനും സുകുമാറും ഒരുമിക്കുന്ന ചിത്രമാണിത്.
രശ്മിക മന്ദാന, ധനഞ്ജയ്, സുനില്‍, അജയ് ഘോഷ് എന്നിവരാണ് ചിത്രത്തില്‍ മറ്റു താരങ്ങള്‍. തെലുങ്കിനു പുറമെ തമിഴ്, ഹിന്ദി, കന്നഡ, മലയാളം ഭാഷകളിലും ചിത്രം റിലീസ് ചെയ്യും. നവീന്‍ എര്‍നെനി, വൈ. രവി ശങ്കര്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
മുന്‍പ് ആഗസ്റ്റ് 13ന് ചിത്രം പ്രദര്‍ശനത്തിനെത്തിക്കാന്‍ തീരുമാനിച്ചിരുന്നു പിന്നീട് കോവിഡ് സാഹചര്യം കണക്കിലെടുത്ത് മാറ്റുകയായിരുന്നു.
Recent Comments