കഴിഞ്ഞ ആഴ്ച കുടുംബത്തോടൊപ്പം ഉംറയ്ക്ക് പോയതായിരുന്നു സംവിധായകന്‍ ഫാസില്‍. ഫാസിലിനൊപ്പം ഭാര്യ റൊസീന, മക്കളായ ഫഹദ്, ഫര്‍ഹാന്‍, ഫാത്തിമ, മരുമകള്‍ നസ്രിയ ഫഹദ്, നസ്രിയയുടെ മാതാപിതാക്കള്‍, ഫഹദിന്റെ മേക്കപ്പ് മാന്‍ ഷുക്കൂര്‍ തുടങ്ങിവര്‍ ഒപ്പമുണ്ടായിരുന്നു. മൂത്ത മകള്‍ അഹ്‌മദയ്ക്കും ഭര്‍ത്താവിനും പങ്കുകൊള്ളാനായില്ല. ഉംറയിലെ ഭക്തിപൂര്‍വ്വമായ ചടങ്ങുകളില്‍ പങ്കുകൊണ്ട് രണ്ട് ദിവസം മുമ്പാണ് ഫാസിലും കുടുംബവും മടങ്ങിയെത്തിയത്.
തൊട്ടടുത്ത ദിവസംതന്നെ ഫഹദ് ശ്രീലങ്കയിലേയ്ക്ക് പോയി. മഹേഷ് നാരായണന്‍ സംവിധാനം ചെയ്യുന്ന ചിത്രത്തില്‍ ജോയിന്‍ ചെയ്യാനായിരുന്നു ആ യാത്ര. ഫഹദ് എത്തിയ ദിവസം മോഹന്‍ലാല്‍ കേരളത്തിലേയ്ക്ക് മടങ്ങിയിരുന്നു. നിലവില്‍ മമ്മൂട്ടിയും കുഞ്ചാക്കോ ബോബനും ഫഹദും പങ്കെടുക്കുന്ന രംഗങ്ങളാണ് ചിത്രീകരിക്കുന്നത്.
മഹേഷ് നാരായണന്റെ ടേക്ക് ഓഫ്, സീയു സൂണ്‍, മാലിക് എന്നീ ചിത്രങ്ങളില്‍ നായകനായി അഭിനയിച്ചത് ഫഹദായിരുന്നു.
Recent Comments