പാപ്പച്ചന്‍ ഒളിവിലാണ് എന്ന ചിത്രത്തിന്റെ സംവിധായകന്‍ സിന്റോ സണ്ണി അഭിനയരംഗത്ത്. ഇപ്പോള്‍ പുഞ്ചിരി മുറ്റത്ത് ഇട്ടിക്കോര എന്ന ചിത്രം സംവിധാനം ചെയ്തു വരികയുമാണ് സിന്റോ. ഈ അവസരത്തിലാണ് സിന്റോ സണ്ണി ഒരു മ്യൂസിക്ക് ആല്‍ബത്തില്‍ നായകനായി അഭിനയിക്കുന്നത്.
നവാഗതനായ ബിനു മാധവ് ആണ് ഈ മ്യൂസിക്ക് ആല്‍ബം സംവിധാനം ചെയ്തിരിക്കുന്നത്. ഈ മ്യൂസിക്ക് ആല്‍ബം പ്രണയത്തിന്റെ ദിനമായി കണക്കാക്കുന്ന വാലന്റൈയിന്‍സ് ഡേയായ ഫെബ്രുവരി പതിനാല് വെള്ളിയാഴ്ച്ച പുറത്തുവിട്ടിരിക്കുന്നു.
ശശിയും ശകുന്തളയും എന്ന ചിത്രത്തിലെ നായികയായ നെഹയാണ് ഈ ആല്‍ബത്തിലെ നായിക. പ്രണയിക്കുന്നവര്‍ക്കും, പ്രണയിച്ചിട്ടുള്ള വര്‍ക്കും, ഇനി പ്രണയിക്കുന്നവര്‍ക്കും ഏറെ കൗതുകമായിട്ടാണ് ഈ ആല്‍ബം പുറത്തിറങ്ങിയിരിക്കുന്നത്. സോഷ്യല്‍ മീഡിയയില്‍ വലിയ സ്വീകരണമാണ് ഈ ആല്‍ബത്തിനു ലഭിക്കുന്നത്. പി.ആര്‍.ഒ. വാഴൂര്‍ ജോസ്.
Recent Comments