പ്രശസ്ത ഛായാഗ്രാഹകനും സംസ്ഥാന അവാര്‍ഡ് ജേതാവുമായ നിഷാദ് യൂസഫിനെ തൂങ്ങിമരിച്ച നിലയില്‍ ഫ്‌ളാറ്റില്‍ കാണപ്പെട്ടു. ഇന്ന് രാവിലെ നാല് മണിയോടെ പോലീസ് എത്തിയാണ് യൂസഫിന്റെ ആത്മഹത്യ സ്ഥിരീകരിച്ചത്. 43 വയസ്സായിരുന്നു. ആലപ്പുഴ ഹരിപ്പാട് സ്വദേശിയാണ്. നിലവില്‍ ഭൗതിക ശരീരം എറണാകുളം ജനറല്‍ ആശുപത്രിയിലാണ് ഉള്ളത്. പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുനല്‍കും.
നിരവധി സൂപ്പര്‍ഹിറ്റ് ചിത്രങ്ങളുടെ എഡിറ്ററിലാണ് നിഷാദ് യൂസഫ്. തല്ലുമാല, ഉണ്ട, ചാവേര്‍, സൗദി വെള്ളയ്ക്ക, റിലീസിനെത്താന്‍ ഒരുങ്ങുന്ന മമ്മൂട്ടിചിത്രം ബസൂക്ക, സൂര്യയുടെ കങ്കുവ തുടങ്ങിയ ചിത്രങ്ങളു
ടെയെല്ലാം എഡിറ്ററായിരുന്നു. തല്ലുമാലയിലെ ചിത്രസംയോജന മികവിന് മികച്ച സംസ്ഥാന അവാര്‍ഡും ലഭിച്ചിരുന്നു.
ഭാര്യയും രണ്ട് കുട്ടികളോടൊപ്പം പനമ്പള്ളി നഗറിലെ ഫ്‌ളാറ്റിലായിരുന്നു താമസം.
Recent Comments