അക്ഷയ് കുമാര്‍, പ്രിയങ്ക ചോപ്ര എന്നവര്‍ അഭിനയിച്ച എയ്ത്രാസ് എന്ന ചിത്രം റിലീസ് ആയിട്ട് 20 വര്‍ഷം പൂര്‍ത്തിയായിരിക്കുകയാണ്. അതേസമയം ചിത്രത്തിന്റെ നിര്‍മ്മാതാവ് സുഭാഷ് ഘായ് മറ്റൊരു പ്രഖ്യാപനവുമായി മുന്നോട്ട് വന്നിരിക്കുകയാണ്. എയ്ത്രാസ് എന്ന ചിത്രത്തിന് തുടര്‍ച്ചയായി എയ്ത്രാസ് 2 ന്റെ പ്രഖ്യാപനമാണ് വന്നിരിക്കുന്നത്. ചിത്രത്തിന്റെ സ്‌ക്രിപ്റ്റ് തയ്യാറായിരിക്കുന്നുവെന്ന് ഘായി പറയുന്നു.
എയ്ത്രാസിലെ പ്രിയങ്കയുടെ കഥാപാത്രത്തിന്റെ ഫോട്ടോ പങ്കിട്ടുകൊണ്ട് നിര്‍മ്മാതാവ് സുഭാഷ് ഘായ് താരത്തിന്റെ പ്രകടനത്തെ പുകഴ്ത്തുകയും ചെയ്തിട്ടുണ്ട്. പ്രിയങ്ക ഈ വേഷത്തെക്കുറിച്ച് ആദ്യം ഭയപ്പെട്ടിരുന്നെങ്കിലും ഒടുവില്‍ പൂര്‍ണ്മ ആത്മവിശ്വാസത്തോടെ ഇതിനൊപ്പം നിന്നുവെന്നും ഈ വേഷമാണ് ഇന്നും ചിത്രം ഓര്‍മ്മിക്കപ്പെടാന്‍ കാരണമെന്നും നിര്‍മ്മാതാവ് പറയുന്നു.
View this post on Instagram
‘മൂന്ന് വര്‍ഷത്തിനുശേഷം ഇപ്പോള്‍ മുക്ത ആര്‍ട്ട്‌സ് ഏറ്റവും മികച്ച തിരക്കഥയുമായി എയ്ത്രാസ് 2 ന് തയ്യാറാണ്. കാത്തിരുന്ന് കാണുക…’ സുഭാഷ് ഘായ് പോസ്റ്റില്‍ കുറിച്ചു.
2004 നവംബര്‍ 12 ന് പുറത്തിറങ്ങിയ എയ്ത്രാസ് ഇരട്ട സംവിധായകരായ അബ്ബാസ്-മുസ്താന്‍ ചേര്‍ന്നാണ് ചിത്രം ഒരുക്കിയിരുന്നത്. ബോള്‍ഡ് റൊമാന്റിക് ത്രില്ലറായിരുന്നു ചിത്രം. ചിത്രം വലിയ വാണിജ്യ വിജയം നേടിയിരുന്നു. ചിത്രത്തില്‍ കരീന കപൂര്‍ മറ്റൊരു പ്രധാന കഥാപാത്രത്തെ അവതരിപ്പിച്ചിരുന്നു. തന്റെ ബോസില്‍നിന്നും (സ്ത്രീ) ലൈംഗികമായി ഉപദ്രവം നേരിടുന്ന ഒരു പുരുഷനെ ചുറ്റിപ്പറ്റിയുള്ള ചിത്രമാണ് എയ്ത്രാസ്.
Recent Comments