കമല്‍ഹാസനെ നായകനാക്കി ഷങ്കര്‍ സംവിധാനം ചെയ്യുന്ന ഇന്ത്യന്‍ 2 ന്റെ റിലീസ് തീയതി ഔദ്യോഗികമായി പ്രഖ്യാപിച്ചിരിക്കുകയാണ് നിര്‍മ്മാതാക്കള്‍. ജൂലൈ 12 ന് ചിത്രം ലോകമെമ്പാടുമുള്ള തീയേറ്ററുകളില്‍ എത്തും. റിലീസിന് മുന്നോടിയായി ചിത്രത്തിലെ ആദ്യ സിംഗിള്‍ മെയ് 22 ന് പുറത്തെത്തും.
ചിത്രത്തിന് ഒരു മൂന്നാംഭാഗം കൂടി ഉണ്ടാവുമെന്ന് കമല്‍ ഹാസന്‍ നേരത്തെ അറിയിച്ചിരുന്നു. മൂന്നാം ഭാഗത്തിന്റെ ചിത്രീകരണവും ഇതിനകം പൂര്‍ത്തിയാക്കിയിട്ടുണ്ട്. രണ്ടാം ഭാഗം പുറത്തിറങ്ങി ആറ് മാസത്തിന് ശേഷം മൂന്നാം ഭാഗം തീയേറ്ററുകളിലെത്തുമെന്ന് കമല്‍ ഹാസന്‍ നേരത്തെ പറഞ്ഞിരുന്നു.
Indian 2 – 1st single from may 22nd . Indian world wide from July 12th
@ikamalhaasan @anirudhofficial #indian2 pic.twitter.com/5BXfqx0mw6— Shankar Shanmugham (@shankarshanmugh) May 19, 2024
കാജല്‍ അഗര്‍വാള്‍, സിദ്ധാര്‍ഥ്, ബോബി സിംഹ, രാകുല്‍ പ്രീത് സിംഗ്, എസ്.ജെ. സൂര്യ, പ്രി ഭവാനി ശങ്കര്‍, സമുദ്രക്കനി, ബ്രഹ്‌മാനന്ദം, നെടുമുടിവേണു, കാളിദാസ് ജയറാം തുടങ്ങിയവരാണ് അഭിനയിക്കുന്നത്. അരവിന്ദ് രവിചന്ദര്‍ ആണ് സംഗീതം ഒരുക്കുന്നത്. ലൈക്ക പ്രൊഡക്ഷന്‍സും രാജ് കമല്‍ ഫിലിംസും റെഡ് ജയന്റ് മൂവീസും ചേര്‍ന്നാണ് ചിത്രം നിര്‍മ്മിക്കുന്നത്.
Recent Comments