കമല്‍ഹാസനെ നായകനാക്കി എസ്. ഷങ്കര്‍ സംവിധാനം നിര്‍വ്വഹിക്കുന്ന ഇന്ത്യന്‍ 2 ന്റെ പുതിയ അപ്‌ഡേറ്റുമായി നിര്‍മ്മാതാക്കള്‍.
ചെന്നൈ നെഹ്രു സ്റ്റേഡിയത്തില്‍വച്ച് ഇന്ന് ആറ് മണിക്ക് ചിത്രത്തിന്റെ ആഡിയോലോഞ്ച് നടക്കുമെന്നാണ് പുതിയ അപ്‌ഡേറ്റ്. 200 കോടി ബജറ്റിലൊരുങ്ങുന്ന ഇന്ത്യന്‍ 2 ലെ നായിക കാജല്‍ അഗര്‍വാളാണ്. നടന്‍ സിദ്ധാര്‍ത്ഥ് മറ്റൊരു പ്രധാനപ്പെട്ട കഥാപാത്രത്തെ അവതരിപ്പിക്കുന്നു. എസ്.ജെ. സൂര്യ, വിവേക്, സാക്കിര്‍ ഹുസൈന്‍, ജയപ്രകാശ്, ജഗന്‍, ഡെല്‍ഹി ഗണേഷ്, സമുദ്രക്കനി, നിഴല്‍ഗള്‍ രവി, ജോര്‍ജ് മര്യന്‍, വിനോദ് സാഗര്‍, ബെനെഡിക്ട് ഗാരെറ്റ്, പ്രിയ ഭവാനി ഷര്‍ര്‍, രാകുല്‍ പ്രീത് സിംഗ്, ബ്രഹ്‌മാനന്ദന്‍, ബോബി സിന്‍ഹ തുടങ്ങി വന്‍ താരനിര ചിത്രത്തിന്റെ ഭാഗമാകുന്നുണ്ട്. ജൂണ്‍ 12 നാണ് ചിത്രം റിലീസിനെത്തുന്നത്.
In the realm of anticipation! 🤩🏟️ Prepare to step into the grandeur of the INDIAN-2 audio launch happening on June 1st at 📍 Nehru Stadium, 6 PM onwards. 🥁 #Indian2 🇮🇳 Ulaganayagan @ikamalhaasan @shankarshanmugh @anirudhofficial @LycaProductions #Subaskaran @RedGiantMovies_… pic.twitter.com/llI2IeR6vp
— Lyca Productions (@LycaProductions) May 31, 2024
ഛായാഗ്രഹണം രവിവര്‍മ്മയും സംഗീതം അനിരുദ്ധ് രവിചന്ദറും നിര്‍വ്വഹിക്കുന്നു. ഇന്ത്യന്‍ 2 ന്റെ റിലീസിന് മുന്നോടിയായി ഇന്ത്യന്റെ റീറിലീസും പ്രഖ്യാപിച്ചിട്ടുണ്ട്.
ലോകേഷ് കനകരാജ് സംവിധാനം ചെയ്ത വിക്രമാണ് കമല്‍ഹാസന്റെ ഏറ്റവും ഒടുവിലായി പ്രദര്‍ശനത്തിനെത്തിയ ചിത്രം. കമല്‍ഹാസന്റെ എക്കാലത്തെയും മികച്ച ഹിറ്റ് ചിത്രമായി വിക്രം മാറി. കമലിനൊപ്പം ഫഹദ് ഫാസില്‍, നരേന്‍, കാളിദാസ് ജയറാം, വിജയ് സേതുപതി തുടങ്ങിയവരും ഏറെ പ്രേക്ഷകശ്രദ്ധ നേടിയിരുന്നു.
Recent Comments