ധനുഷ് തന്നെ തിരക്കഥയും സംവിധാനവും നിര്‍വ്വഹിക്കുന്ന ചിത്രമാണ് രായന്‍. താരത്തിന്റെ 50-ാമത് ചിത്രം കൂടിയാണിത്. സണ്‍ പിക്‌ചേഴ്‌സിന്റെ ബാനറില്‍ കലാനിധി മാരനാണ് ചിത്രം നിര്‍മ്മിക്കുന്നത്. ചിത്രത്തിന്റേതായി ഫസ്റ്റ് ലുക്ക് പോസ്റ്ററുകള്‍ നേരത്ത് പുറത്തിറങ്ങിയിരുന്നു.
അല്‍പ്പംമുമ്പ് രായനിലെ റാപ്പ് ലിറിക് വീഡിയോ ഗാനം പുറത്തിറക്കിയിരിക്കുകയാണ് നിര്‍മ്മാതാക്കള്‍. വന്‍ സ്വീകാര്യതയാണ് വീഡിയോ ഗാനത്തിന് ലഭിച്ചിരിക്കുന്നത്. വീഡിയോയില്‍ ധനുഷും കാളിദാസ് ജയറാമും സുന്ദീപ് കിഷനുമാണ് പ്രത്യക്ഷപ്പെടുന്നത്. എ.ആര്. റഹ്‌മാനാണ് ഈ റാപ്പിന് സംഗീതം നല്‍കിയിരിക്കുന്നത്. അറിവിന്റേതാണ് ഗാനരചന.
കഴിഞ്ഞ വര്‍ഷം ജൂലൈയില്‍ ഷൂട്ടിംഗ് ആരംഭിച്ച രയാനില്‍ ധനുഷിനെ കൂടാതെ എസ്.ജെ. സൂര്യ, പ്രകാശ് രാജ്, കാളിദാസ് ജയറാം, സുന്ദീപ് കിഷന്‍, സെല്‍വരാഘവന്‍, ജയറാം, ദുഷ്‌റ വിജയന്‍, അപര്‍ണ ബാലമുരളി, വരലക്ഷ്മി ശരത്കുമാര്‍ തുടങ്ങിയ പ്രമുഖരും ചിത്രത്തില്‍ അണിനിരക്കുന്നുണ്ട്. ഛായാഗ്രഹണം ഓംപ്രകാശ്, എഡിറ്റര്‍ പ്രസന്ന ജി.കെ., സംഘട്ടനം പീറ്റര്‍ ഹെയ്ന്‍. ചിത്രം ജൂലൈ 24 ന് പ്രദര്‍ശനത്തിനെത്തും.
Recent Comments