സിറ്റി ടാര്‍ജറ്റ് എന്റര്‍ടൈന്‍മെന്റിന്റെ ബാനറില്‍ അഗസ്റ്റിന്‍ ജോസഫ് നിര്‍മ്മിച്ച് ആര്‍.എ. ഷഫീര്‍ സംവിധാനം ചെയ്യുന്ന ചിത്രമാണ് നിമ്രോദ്. ചിത്രത്തിന്റെ ഒഫീഷ്യല്‍ ലോഞ്ചിംഗ് നവംബര്‍ 24 ന് ദുബായില്‍ നടക്കും. ഷാര്‍ജ സഫാരി മാളില്‍ വൈകുന്നേരം 7 മണിക്ക് നടക്കുന്ന ചടങ്ങില്‍ പ്രധാന അഭിനേതാക്കളും അണിയറ പ്രവര്‍ത്തകരും പങ്കെടുക്കും. തൊട്ടടുത്ത ദിവസം അബുദാബിയിലെ സോഷ്യല്‍ സെന്ററില്‍ ഇതിന്റെ തുടര്‍ചടങ്ങുകളും സംഘടിപ്പിക്കുന്നുണ്ട്.
നിമ്രോദിലെ കേന്ദ്ര കഥാപാത്രത്തെ അവതരിപ്പിക്കുന്നത് ഷൈന്‍ ടോം ചാക്കോയാണ്. നാലു സ്ത്രീകഥാപാത്രങ്ങളാണുള്ളത്. ദിവ്യാപിള്ള, ആത്മീയാ രാജന്‍, പാര്‍വ്വതി ബാബു എന്നിവര്‍ നായികാനിരയിലെ പ്രധാനികളാണ്. സംവിധായകന്‍ ലാല്‍ജോസും ഒരു പ്രധാന കഥാപാത്രത്തെ അവതരിപ്പിക്കുന്നു. യുവനടന്‍ അമീര്‍ നിയാസ് ഉള്‍പ്പെടെ നിരവധി പ്രമുഖ താരങ്ങളും ചിത്രത്തിന്റെ ഭാഗമാകുന്നു. ഒരു ക്രൈം ത്രില്ലറാണ് നിമ്രോദ്.
ഡിസംബര്‍ അവസാനവാരം ചിത്രത്തിന്റെ ഷൂട്ടിംഗ് ആരംഭിക്കും. ഇടുക്കി, കൊച്ചി, പാലക്കാട്, കോയമ്പത്തൂര്‍ എന്നിവിടങ്ങള്‍ക്ക് പുറമെ ജോര്‍ജിയായും ഒരു പ്രധാന ലൊക്കേഷനാണ്.
തിരക്കഥ കെ.എം. പ്രതീഷ്. ഷീലാ പോളിന്റെ വരികള്‍ക്ക് സംവിധായകന്‍ ആര്‍.എ. ഷഫീര്‍ ഈണം പകര്‍ന്നിരിക്കുന്നു. ശേഖര്‍ വി. ജോസഫ്, ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ അയൂബ് ഖാനാണ്. കലാസംവിധാനം കോയാസ്, മേക്കപ്പ് റോണക്‌സ് സേവ്യര്‍, കോസ്റ്റ്യും ഡിസൈന്‍ സമീരാ സനീഷ്, പ്രൊജക്റ്റ് ഡിസൈനര്‍ ലിജു നടേരി, പി.ആര്‍.ഒ. വാഴൂര്‍ ജോസ്.
Recent Comments