തെന്നിന്ത്യന്‍ താരം ഐശ്വര്യ രാജേഷ് നായികയാകുന്ന പുതിയ ചിത്രം ‘ഫര്‍ഹാനാ’യുടെ ഫസ്റ്റ് ലുക്ക് പുറത്തുവിട്ടു. ഒരു നാള്‍ കൂത്ത്, മോണ്‍സ്റ്റര്‍ എന്നീ സിനിമകളിലൂടെ ശ്രദ്ധേയനായ നെല്‍സണ്‍ വെങ്കടേശനാണ് സംവിധായകന്‍. നെല്‍സണ്‍ വെങ്കടേശന്‍ തന്നെയാണ് തിരക്കഥയും എഴുതുന്നത്.
സ്ത്രീ പ്രാധാന്യമുള്ള സിനിമയില്‍ ‘ഫര്‍ഹാനാ’ എന്ന കഥാപാത്രമായി വേഷമിടുന്നത് ഐശ്വര്യ രാജേഷാണ്. മലയാളി താരം അനുമോളും സംവിധായകന്‍ സെല്‍വരാഘവനും, ജിത്തന്‍ രമേഷ്, ഐശ്വര്യ ദത്ത എന്നിവരും ചിത്രത്തില്‍ അഭിനയിക്കുന്നു. ഛായാഗ്രഹണം ഗോകുല്‍ ബിനോയ്. ജസ്റ്റിന്‍ പ്രഭാകറിന്റേതാണ് സംഗീതം. ചിത്രസംയോജനം സാബു ജോസഫ്.
സമൂഹത്തില്‍ സ്ത്രീകള്‍ നേരിടുന്ന വൈകാരികമായ പ്രശ്‌നങ്ങളാണ് ചിത്രത്തിലെ പ്രതിപാദന വിഷയം. ഡ്രീം വാര്യര്‍ പിക്‌ചേഴ്‌സിന്റെ ബാനറില്‍ എസ്.ആര്‍. പ്രകാശ് ബാബു, എസ്.ആര്‍. പ്രഭു എന്നിവര്‍ ചേര്‍ന്നാണ് ‘ഫര്‍ഹാനാ’ നിര്‍മ്മിക്കുന്നത്. വാര്‍ത്താപ്രചരണം സി.കെ. അജയ് കുമാര്‍.
Recent Comments