മെയ് 20 ജൂനിയര്‍ എന്‍.ടി.ആറിന്റെ ജന്മദിനമാണ്. ജന്മദിന സമ്മാനമായി ദേവരയുടെ ഫസ്റ്റ് ലുക്ക് പോസ്റ്റര്‍ പുറത്തിറക്കിയിരിക്കുകയാണ് അണിയറ പ്രവര്‍ത്തകര്‍. ആല്‍ഫാ മാന്‍ ലുക്കില്‍ എന്‍ടിആര്‍ കസറിയിട്ടുണ്ട് എന്നാണ് പ്രേക്ഷകരുടെ അഭിപ്രായം. എന്‍.ടി.ആറിന്റെ 30-ാമത്തെ ചിത്രംകൂടിയാണ് ദേവര. കൊരട്ടാല ശിവയാണ് സംവിധായകന്‍. ദൈവം എന്ന അര്‍ത്ഥം വരുന്ന ‘ദേവര’ ഇന്ത്യന്‍ ആക്ഷന്‍ ചിത്രങ്ങളില്‍ പുതിയൊരു ബെഞ്ച്മാര്‍ക്ക് സൃഷ്ടിക്കും എന്നാണ് പ്രതീക്ഷ.
ജാന്‍വി കപൂറും സെയ്ഫ് അലി ഖാനും ചിത്രത്തില്‍ പ്രധാനവേഷങ്ങളില്‍ എത്തുന്നുണ്ട്. ജാന്‍വി കപൂറിന്റെ ആദ്യ തെലുഗു ചിത്രം കൂടിയാണിത്.
യുവസുധ ആര്‍ട്ട്സിന്റെയും എന്‍.ടി.ആര് ആര്‍ട്‌സിന്റെയും ബാനറില്‍ മിക്കിളിനേനി സുധാകറും കോസരാജു ഹരികൃഷ്ണയും ചേര്‍ന്നാണ് ചിത്രം നിര്‍മ്മിക്കുന്നത്. ചിത്രം അവതരിപ്പിക്കുന്നത് നന്ദമുരി കല്യാണ്‍ റാമാണ്. ദേവരയുടെ റിലീസ് തീയതി 2024 ഏപ്രില്‍ 5 ആണ്.
Recent Comments