ജയന്‍ പൊതുവാള്‍ കഥയെഴുതി സംവിധാനം ചെയ്യുന്ന ഇഷ്ടരാഗം എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. നടന്‍ സുരേഷ് ഗോപി അടക്കമുള്ള പ്രശസ്ത താരങ്ങളുടെ ഫേസ്ബുക്ക് പേജ് മുഖേനയാണ് പോസ്റ്റര്‍ റിലീസ് ചെയ്തത്. ചിത്രം മ്യൂസിക്കല്‍ റൊമാന്റിക് ത്രില്ലറാണ്. ആകാശ് പ്രകാശ്, പുതുമുഖം ആദിത്യ, കൈലാഷ് എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്നത്. ശ്രീകുമാര്‍ മറിമായം, ഉണ്ണിരാജ്, വിവേക് വിശ്വം, ശ്രീജിത്ത് കൈവേലി, അമ്പിളി, സുമിത്ര രാജന്‍, വേണു അമ്പലപ്പുഴ, അര്‍ജുന്‍,ജലജ റാണി, രഘുനാഥ് മടിയന്‍, ജീഷിന്‍ തുടങ്ങിയവരാണ് മറ്റ് താരങ്ങള്‍.
അനുവിന്റെയും ശ്രീരാഗിന്റെയും ഗാഢമായ പ്രണയമാണ് ചിത്രത്തിന്റെ ഇതി വൃത്തം. ഇരുവരുടെയും വാക്കുകള്‍ക്ക് അതീതമായ പ്രണയത്തിന്റെ തീവ്രത കൂടിയപ്പോള്‍ അനു ശ്രീരാഗിന്റെ അടുത്തേക്ക് പുറപ്പെടുന്നു. ശ്രീരാഗിന്റെ സുഹൃത്തിന്റെ നിര്‍ദ്ദേശപ്രകാരം കാഞ്ഞിരക്കൊല്ലി മല നിരകളിലുള്ള ഒരു റിസോര്‍ട്ടില്‍ കമിതാക്കള്‍ എത്തുന്നു. അതേസമയം സ്ഥലം എംഎല്‍എ മോനായിയുടെ മകന്‍ ജഗനും കൂട്ടുകാരും റിസോര്‍ട്ടില്‍ താമസിക്കുകയായിരുന്നു. അവര്‍ അനുവിനോട് കാമാവേശം കാട്ടുന്നു. ജഗനും ശ്രീരാഗുമായി കയ്യേറ്റം ഉണ്ടാകുന്നു. തുടര്‍ന്ന് അവിടേക്ക് എസ്‌ഐ അനൂപ് ശങ്കര്‍ എത്തുന്നു. അദ്ദേഹത്തിന്റെ ഇടപെടല്‍ മൂലം കമിതാക്കള്‍ അവിടുന്ന് രക്ഷപ്പെടുന്നു. പിന്നീടുള്ള സംഭവബഹുലമായ മുഹൂര്‍ത്തങ്ങളാണ് ചിത്രം പറയുന്നത്.
ആകാശ് പ്രകാശ് മ്യൂസിക്ക് ആന്റ് എന്റര്‍ടൈന്‍മെന്റ്‌സ്, എസ് ആര്‍ ഫിലിംസ് എന്നിവയുടെ ബാനറില്‍ പ്രകാശ് നായര്‍, സുരേഷ് രാമന്തളി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ഛായാഗ്രഹണം ജി കെ രവികുമാര്‍, തിരക്കഥ-സംഭാഷണം ചന്ദ്രന്‍ രാമന്തളി. സുരേഷ് രാമന്തളിയുടെ വരികള്‍ക്ക് വിനീഷ് പണിക്കര്‍ സംഗീതം പകരുന്നു. വിജയ് യേശുദാസ്,വടുകിയമ്മ, അനിത വിനോദ്, ഹരിത ഹരീഷ്, ശിവപ്രിയ എന്നിവരാണ് ഗായകര്‍.
എഡിറ്റര്‍ വിപിന്‍രവി. പ്രൊഡക്ഷന്‍ കണ്‍ട്രോളര്‍ ഷാജി ഒലവക്കോട്.
കല ബാലകൃഷ്ണന്‍ കൈതപ്രം. കോസ്റ്റ്യൂംസ് സുകേഷ് താനൂര്‍. മേക്കപ്പ് സുധാകരന്‍ ചേര്‍ത്തല. കൊറിയോഗ്രഫി ക്ലിന്റ്. ചീഫ് അസോസിയേറ്റ് ഡയറക്ടര്‍ റിജു നായര്‍. അസിസ്റ്റന്റ് ഡയറക്ടര്‍
ദീപക് ശങ്കര്‍, ഷാന്‍. സ്റ്റില്‍സ്-വിദ്യാധരന്‍. പിആര്‍ഒ എം.കെ. ഷെജിന്‍.
ഇരിട്ടി, കാഞ്ഞിരക്കൊല്ലി, വയനാട്, ഗുണ്ടപ്പെട്ട് എന്നിവിടങ്ങളിലായി ഇഷ്ടരാഗത്തിന്റെ ചിത്രീകരണം പൂര്‍ത്തിയായി. പോസ്റ്റ് പ്രൊഡക്ഷന്‍ വര്‍ക്കുകള്‍ പുരോഗമിക്കുന്നു.
Recent Comments