വിനീത് ശ്രീനിവാസനെ നായകനാക്കി എഡിറ്റര് അഭിനവ് സുന്ദര് നായക് ആദ്യമായി സംവിധാനം ചെയ്യുന്ന ‘മുകുന്ദനുണ്ണി അസോസിയേറ്റ്സ്’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി. വിനീത് വീട്ടുതടങ്കലില് എന്നമട്ടില് പത്രവാര്ത്തയുടെ രൂപത്തിലുള്ള പോസ്റ്റര് വിനീത് ശ്രീനിവാസനാണ് സോഷ്യല് മീഡിയ പേജിലൂടെ പുറത്ത് വിട്ടത്. ജോയ് മൂവി പ്രൊഡക്ഷന്സിന്റെ ബാനറില് ഡോക്ടര് അജിത് ജോയി നിര്മ്മിക്കുന്ന ചിത്രം നവംബറില് റിലീസ് ചെയ്യും.
![](https://www.canchannels.com/wp-content/uploads/2022/10/Abhinav-Sundar-Nayak1.jpg)
അഡ്വക്കേറ്റ് മുകുന്ദനുണ്ണി എന്ന കഥാപാത്രത്തെ മലയാളികള്ക്ക് മറക്കുവാന് കഴിയില്ല കാരണം സലിംകുമാര് എന്ന നടന്റെ കരിയറില് തന്നെ വഴിത്തിരിവുണ്ടാക്കിയ കഥാപാത്രമായിരുന്നു ലാല്ജോസിന്റെ സംവിധാനത്തില് സൂപ്പര് ഹിറ്റായിമാറിയ മീശമാധവനിലെ അഡ്വക്കേറ്റ് മുകുന്ദനുണ്ണി. എന്നാല് ആ മുകുന്ദനുണ്ണിക്ക് ഈ ചിത്രവുമായുള്ള ബന്ധം അറിയണമെങ്കില് റിലീസുവരെ കാത്തിരുന്നെ പറ്റു. അതിനെക്കുറിച്ച് ഒരു സൂചനപോലും അണിയറ പ്രവര്ത്തകര് പുറത്തുവിട്ടിട്ടില്ല.
വിമല് ഗോപാലകൃഷ്ണനും അഭിനവും ചേര്ന്നാണ് ചിത്രത്തിന്റെ തിരക്കഥ നിര്വ്വഹിച്ചിരിക്കുന്നത്. ഛായാഗ്രാഹണം വിശ്വജിത്ത് ഒടുക്കത്തില്. സുരാജ് വെഞ്ഞാറുംമൂട്, ആര്ഷ ചാന്ദിനി ബൈജു, സുധികോപ്പ, തന്വിറാം, ജോര്ജ്ജ് കോര, മണികണ്ഠന് പട്ടാമ്പി, സുധീഷ്, അല്ത്താഫ് സലിം, നോബിള് ബാബു തോമസ്, ബിജു സോപാനം, റിയാസെറ, വിജയന് കാരന്തൂര് തുടങ്ങിയവരാണ് മറ്റ് പ്രധാന അഭിനേതാക്കള്.
നിധിന്രാജ് ആരോളും അഭിനവ് സുന്ദര് നായക്കും ചേര്ന്നാണ് ചിത്രത്തിന്റെ എഡിറ്റിങ്ങ് നടത്തിയിരിക്കുന്നത്. നവാഗതനായ സിബിമാത്യു അലക്സാണ് മുകുന്ദനുണ്ണി അസ്സോസിയേറ്റ്സിന്റെ സംഗീതം നിര്വഹിക്കുന്നത്. എക്സിക്യൂട്ടീവ് പ്രൊഡ്യൂസര് പ്രദീപ് മേനോന്, പ്രൊഡക്ഷന് കണ്ട്രോളര് മനോജ് പൂക്കുന്നം, സൗണ്ട് ഡിസൈന് രാജകുമാര്.പി, ആര്ട്ട് വിനോദ് രവീന്ദ്രന്, കോസ്റ്റിയൂംസ് ഗായത്രി കിഷോര്, പിആര്ഒ വൈശാഖ് സി. വടക്കേവീട്, മേക്ക്അപ്പ് ഹസ്സന് വണ്ടൂര് എന്നിവരാണ് മറ്റ് അണിയറപ്രവര്ത്തകര്.
Recent Comments