വിനീത് ശ്രീനിവാസന്‍ നായകനാകുന്ന ഏറ്റവും പുതിയ ചിത്രമായ ഒരു ജാതി ജാതകത്തിന്റെ ഫസ്റ്റ് ലുക്ക് പോസ്റ്റര് പുറത്ത് വിട്ടു. അരവിന്ദന്റെ അതിഥികള്‍ക്ക് ശേഷം എം. മോഹനനാണ് ചിത്രം സംവിധാനം ചെയ്യുന്നത്. രാകേഷ് മണ്ടോടിയുടെയാണ് തിരക്കഥ. വര്‍ണ്ണചിത്രയുടെ ബാനറില്‍ മഹാ സുബൈറാണ് ചിത്രം നിര്‍മ്മിക്കുന്നത്.
നിഖില വിമല്‍, കയാദു (പത്തൊമ്പതാം നൂറ്റാണ്ട് ഫെയിം), പ്രശസ്ത ഗായിക സയനോരാ ഫിലിപ്പ്, ഇന്ദുതമ്പി, ഹരിത (രോമാഞ്ചം ഫെയിം), ചിപ്പി ദേവസ്സി, രജിതാ മധു, ഹരിത തുടങ്ങിയവരാണ് നായികമാര്‍. നായികമാരുടെ ഇടയില്‍ നില്‍ക്കുന്ന വിനീതിനെയാണ് പോസ്റ്ററില്‍ കാണാന്‍ സാധിക്കുന്നത്.
ബാബു ആന്റണി, പി.പി. കുഞ്ഞിക്കണ്ണന്‍, നിര്‍മ്മല്‍ പാലാഴി, അമല്‍ താഹ, മൃദുല്‍ നായര്‍ തുടങ്ങിവരും ചിത്രത്തില്‍ വേഷമിടുന്നു. വിശ്വജിത് ഒടുക്കത്തില്‍ ഛായാഗ്രഹണം നിര്‍വഹിക്കുന്ന ചിത്രത്തില്‍ രഞ്ജന്‍ ഏബ്രഹാമാണ് ചിത്രസംയോജകന്‍.
Recent Comments