സൂപ്പര്‍സ്റ്റാര്‍ സുരേഷ് ഗോപിയുടെ 257-ാമത്തെ ചിത്രം ‘വരാഹ’ത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. നൂറോളം സെലിബ്രിറ്റി പേജുകളിലൂടെയാണ് പോസ്റ്റര്‍ റിലീസ് ചെയ്തത്. സിനിമ ചരിത്രത്തില്‍ തന്നെ ആദ്യമായിട്ടാണ് ഇത്രയധികം സെലിബ്രിറ്റികള്‍ ഒരുമിച്ച് തങ്ങളുടെ സോഷ്യല്‍ മീഡിയ ഹാന്‍ഡില്‍സിലൂടെ പോസ്റ്റര്‍ ഷെയര്‍ ചെയ്യുന്നത്.
ചരിത്രം കുറിച്ച തൃശ്ശൂരിലെ ഗംഭീര വിജയത്തിനുശേഷം സുരേഷ് ഗോപിയുടെ റിലീസാകാനിരിക്കുന്ന ചിത്രമാണ് വരാഹം എന്ന പ്രത്യേകത കൂടി ഈ ചിത്രത്തിനുണ്ട്. ഒളിച്ചുവച്ച നിഗൂഢമായ കാര്യങ്ങള്‍ ചിത്രത്തില്‍ ഉണ്ടെന്ന് ഫസ്റ്റ് ലുക്ക് താന്നിപ്പിക്കുന്നു. വരാഹത്തിന്റെ പുറത്തിറങ്ങിയ മോഷന്‍ ടൈറ്റില്‍ പോസ്റ്ററും പ്രേക്ഷകശ്രദ്ധ നേടിയിരുന്നു.
സൂരാജ് വെഞ്ഞാറമൂടിനെയും ഗൗതം വാസുദേവ് മേനോനെയും പ്രധാന കഥാപാത്രങ്ങളാക്കി സനല്‍ വി ദേവന്‍ സംവിധാനം ചെയ്യുന്ന ചിത്രം മാവെറിക് മൂവീസ് പ്രൈവറ്റ് ലിമിറ്റഡ്, സഞ്ജയ്പടിയൂര്‍ എന്റര്‍ടൈന്‍മെന്റ്സുമായി സഹകരിച്ച് വിനീത് ജെയിന്‍, സഞ്ജയ്പടിയൂര്‍ എന്നിവര്‍ ചേര്‍ന്നാണ് നിര്‍മ്മിക്കുന്നത്. മലയാള ചലച്ചിത്ര രംഗത്ത് പുതിയൊരു നിര്‍മ്മാണ കമ്പനി കൂടി വരുകയാണ്. മുംബൈ ആസ്ഥാനമായിട്ടുള്ള മാവെറിക് മൂവീസ് പ്രൈവറ്റ് ലിമിറ്റഡിന്റെ ആദ്യ സിനിമയാണ് സുരേഷ് ഗോപിയുടെ ഈ ബ്രഹ്‌മാണ്ഡ ചിത്രം.
നവ്യനായര്‍, പ്രാചിതെഹ്ലന്‍, ഇന്ദ്രന്‍സ്, സാദിഖ്, ശ്രീജിത്ത് രവി, ജയന്‍ ചേര്‍ത്തല, സന്തോഷ് കീഴാറ്റൂര്‍, സരയു മോഹന്‍, ഷാജു ശ്രീധരര്‍, മാസ്റ്റര്‍ ശ്രീപത് യാന്‍, സ്റ്റെല്ല സന്തോഷ്, അനിത നായര്‍, മഞ്ജുഷ, ജ്യോതി പ്രകാശ്, കേശവ് സുഭാഷ് ഗോപി, കൗഷിക് എം വി, മാസ്റ്റര്‍ നന്ദഗോപന്‍, മാസ്റ്റര്‍ ക്രിസ്റ്റോഫര്‍ ആഞ്ചേലോ, മാസ്റ്റര്‍ ശ്രീരാഗ്, ബേബി ശിവാനി തുടങ്ങി വന്‍ താരനിരയാണ് ചിത്രത്തിലുള്ളത്.
പ്രശസ്ത പ്രൊഡക്ഷന്‍ കണ്‍ട്രോളര്‍ സഞ്ജയ് പടിയൂര്‍ ആദ്യമായി നിര്‍മ്മിക്കുന്ന ചിത്രം കൂടിയാണിത്. ‘കുഞ്ഞമ്മിണീസ് ഹോസ്പിറ്റല്‍’ എന്ന ചിത്രത്തിനു ശേഷം സനല്‍ വി ദേവന്‍ സംവിധാനം ചെയ്യുന്ന ചിത്രമാണിത്. ഛായാഗ്രഹണം അജയ് ഡേവിഡ് കാച്ചപ്പിള്ളി, തിരക്കഥ സംഭാഷണം മനു സി കുമാര്‍, കഥ-ജിത്തു കെ ജയന്‍, മനു സി കുമാര്‍, സംഗീതം-രാഹുല്‍ രാജ്, എഡിറ്റര്‍-മന്‍സൂര്‍ മുത്തുട്ടി, എക്സിക്യൂട്ടീവ് പ്രൊഡ്യൂസര്‍- രാജാസിംഗ്, കൃഷ്ണ കുമാര്‍, ലൈന്‍ പ്രൊഡ്യൂസര്‍-ആര്യന്‍ സന്തോഷ്, ആര്‍ട്ട്-സുനില്‍ കെ ജോര്‍ജ്ജ്, വസ്ത്രാലങ്കാരം- നിസാര്‍ റഹ്‌മത്ത്, മേക്കപ്പ്- റോണക്‌സ് സേവ്യര്‍, ലിറിക്‌സ് ഹരിനാരായണന്‍, സൗണ്ട് ഡിസൈന്‍ എം.ആര്. രാജാകൃഷ്ണന്‍ പ്രോമോ കട്ട്‌സ് ഡോണ്‍മാക്‌സ്, ചീഫ് അസോസിയേറ്റ് ഡയറക്ടര്‍-സ്യമന്തക് പ്രദീപ്, പ്രൊഡക്ഷന്‍ കണ്‍ട്രോളര്‍- പൗലോസ് കുറുമറ്റം, ബിനു മുരളി, പ്രൊഡക്ഷന്‍ എക്സിക്യൂട്ടീവ്- അഭിലാഷ് പൈങ്ങോട്, പിആര്‍ഒ മഞ്ജു ഗോപിനാഥ്, സ്റ്റില്‍സ്-നവീന്‍ മുരളി, ഡിസൈന്‍-ഓള്‍ഡ് മോങ്ക്‌സ് തുടങ്ങിയവരാണ് ചിത്രത്തിന്റെ അണിയറപ്രവര്‍ത്തകര്‍.
Recent Comments