പ്രശസ്ത തെന്നിന്ത്യന്‍ സംഗീത സംവിധായകന്‍ വിദ്യാസാഗര്‍ ആദ്യമായി ഒരുക്കിയ ക്രിസ്തീയ ഭക്തിഗാനമായ ‘കനവിന്‍ അഴകേ കാവല്‍ മിഴിയേ’ എന്ന ഗാനം സൂപ്പര്‍ഹിറ്റായി സോഷ്യല്‍ മീഡിയയില്‍ തരംഗമായിക്കുകയാണ്. വിവിധ ഇന്ത്യന്‍ ഭാഷാ സിനിമകളില്‍ സൂപ്പര്‍ഹിറ്റ് ഗാനങ്ങള്‍ ഒരുക്കിയ വിദ്യാസാഗര്‍ വര്‍ഷങ്ങള്‍ നീണ്ട ഇടവേളയ്ക്ക് ശേഷം ആദ്യമായാണ് ഒരു ക്രിസ്തീയ ഭക്തിഗാനത്തിന് സംഗീതം ഒരുക്കുന്നത്.
പുതുതലമുറയില്‍ ശ്രദ്ധേയയായ യുവഗായിക സെലിന്‍ ഷോജിയാണ് ഈ ഗാനം ആലപിച്ചിരിക്കുന്നത്. ഒട്ടേറെ ക്രിസ്തീയ ഭക്തിഗാനങ്ങള്‍ രചിച്ച ജോയ്‌സ് തോന്നിയാമലയാണ് ഈ ഗാനവും രചിച്ചിരിക്കുന്നത്്. സമീപകാലത്ത് ഇറങ്ങിയ ക്രിസ്തീയ ഭക്തിഗാനങ്ങളില്‍ നിന്ന് ഏറെ പുതുമയുള്ളതാണ് ഈ ഗാനമെന്നാണ് സംഗീതാസ്വാദകരുടെ പക്ഷം. മെലഡിയുടെ രാജകുമാരനായ വിദ്യാസാഗറില്‍ നിന്ന് പിറവിയെടുത്ത ഈ ആത്മീയഗാനം ഏറെ ശ്രദ്ധ നേടി മുന്നേറുകയാണ്.
പി ഒ പി മീഡിയയുടെ ബാനറില്‍ ഗായകന്‍ കാര്‍ത്തിക് (മെയില്‍ വേര്‍ഷന്‍), ക്യാമറ – ഷോജി സെബാസ്റ്റ്യന്‍, ഫ്‌ളൂട്ട് – നിഖില്‍, തബല – ഓജസ് ആദിയ. വിഷ്ണു ശ്യാം, ഗണേഷ്, ബെന്‍ കാച്ചപ്പിള്ളി. അപര്‍ണ്ണ, ദീപ്തി, വീണ, ഹരിപ്രിയ, ശെബകരാജ്, നാരായണന്‍, ശശിഹരന്‍, സുദര്‍ശന്‍, വര്‍ഷ വല്ലകി, ആദിത്യ ശ്രീനിവാസന്‍ തുടങ്ങിയവരാണ് ‘കനവിന്‍ അഴകേ കാവല്‍ മിഴിയേ’ എന്ന ഗാനത്തിന്റെ മറ്റ് അണിയറ പ്രവര്‍ത്തകര്‍. പി.ആര്‍.ഒ. പി ആര്‍ സുമേരന്‍.
Recent Comments