സുനൈനയെ നായികയാക്കി ഡോമിന്‍ ഡിസില്‍വ സംവിധാനം ചെയ്യുന്ന ചിത്രമാണ് റെജീന. മലയാളം, തമിഴ്, തെലുങ്ക്, ഹിന്ദി എന്നീ ഭാഷകളിലായി അണിയിച്ചൊരുക്കുന്ന ചിത്രത്തിലെ ആദ്യ ഗാനത്തിന്റെ വീഡിയോ പുറത്തു വിട്ടു.
‘ഒരോ മൊഴി ഓരോ മിഴി ഓരോ…’ എന്നു തുടങ്ങുന്ന വീഡിയോ ഗാനം വികാര തീവ്രമായ പ്രണയ രംഗങ്ങള്‍ കോര്‍ത്തിണക്കിയാണ് പുറത്തു വിട്ടിരിക്കുന്നത്. ഹരി നാരായണന്‍ രചിച്ച് സതീഷ് നായര്‍ സംഗീതം നല്‍കിയ ഗാനം ആലപിച്ചിരിക്കുന്നത് ശങ്കര്‍ മഹദേവനാവനാണ്.
യെല്ലോ ബിയര്‍ പ്രൊഡക്ഷന്‍ എല്‍എല്‍പിയുടെ ബാനറില്‍ നിര്‍മ്മിക്കുന്ന ‘റെജീന’ക്ക് വേണ്ടി മറ്റു ഗാനങ്ങള്‍ സിദ്ധ് ശ്രീറാം, രമ്യാ നമ്പീശന്‍, വൈക്കം വിജലക്ഷ്മി, റിമി ടോമി എന്നിവരാണ് ആലപിച്ചിരിക്കുന്നത്. സ്ത്രീ പ്രാധാന്യമുള്ള ത്രില്ലര്‍ ചിത്രമായ ‘റെജീന’യെ കുറിച്ചുള്ള കൂടുതല്‍ വിവരങ്ങള്‍ ഉടന്‍ വെളിപ്പെടുത്തുമെന്ന് അണിയറക്കാര്‍ അറിയിച്ചു. വാര്‍ത്താപ്രചരണം സി.കെ. അജയ് കുമാര്‍
Recent Comments