കാവ്യ ഫിലിം കമ്പനിയും ആന്‍ മെഗാ മീഡിയയും ചേര്‍ന്ന് അവതരിപ്പിക്കുന്ന പുതിയ ചിത്രമാണ് ആനന്ദ് ശ്രീബാല. അര്‍ജുന്‍ അശോകനും അപര്‍ണ്ണ ദാസും പ്രധാന കഥാപാത്രങ്ങളായി എത്തുന്ന ചിത്രത്തിന്റെ സംവിധാനം നിര്‍വ്വഹിക്കുന്നത് സംവിധായകന്‍ വിനയന്റെ മകനും സിനിമാ താരവുമായ വിഷ്ണു വിനയ് ആണ്.
കേരളത്തില്‍ നടന്ന ഒരു യഥാര്‍ത്ഥ സംഭവത്തെ അടിസ്ഥാനമാക്കിയാണ് ചിത്രം ഒരുങ്ങുന്നത്. മാളികപ്പുറം എന്ന ഹിറ്റ് ചിത്രത്തിനു തിരക്കഥയൊരുക്കിയ അഭിലാഷ് പിള്ളയാണ് രചന നിര്‍വ്വഹിക്കുന്നത്. പ്രിയ വേണു, നീറ്റാ പിന്റോ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
സിനിമാ താരങ്ങളായ പൃഥ്വിരാജ്, ഫഹദ് ഫാസി, ബേസില്‍ ജോസഫ്, മമിത ബൈജു, നസ്ലിന്‍ എന്നിവരുടെ സോഷ്യല്‍ മീഡിയ പേജിലൂടെയാണ് ഇന്ന് ആനന്ദ് ശ്രീബാലയുടെ അഞ്ച് വ്യത്യസ്ത പോസ്റ്ററുകള്‍ റിലീസ് ചെയ്തത്.
ചിന്താവിഷ്ടയായ ശ്യാമള എന്ന സിനിമയിലൂടെ പ്രേക്ഷകശ്രദ്ധ നേടിയ നടി സംഗീത ഏറെ നാളുകള്‍ക്കുശേഷം ഒരു മലയാളം സിനിമയില്‍ മുഴുനീള വേഷത്തിലെത്തുന്നു എന്ന പ്രത്യേകതയും ഈ ചിത്രത്തിനുണ്ട്. സൈജു കുറുപ്പ്, സിദ്ദിഖ്, അനുവര്‍ഗ്ഗീസ്, ഇന്ദ്രന്‍സ്, മനോജ് കെ. ജയന്‍, ശിവദ, അസീസ് നെടുമങ്ങാട്, കോട്ടയം നസീര്‍, നന്ദു, മാളവിക മനോജ് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
രഞ്ജിന്‍ രാജാണ് സംഗീതം ഒരുക്കുന്നത്. വിഷ്ണു നാരായണന്‍ ഛായാഗ്രഹണം നിര്‍വ്വഹിക്കുന്നു. കിരണ്‍ ദാസാണ് എഡിറ്റര്‍, പ്രൊഡക്ഷന്‍ കണ്‍ട്രോളര്‍ ഷാജി പട്ടിക്കര, പിആര്‍ ആന്റ് മാര്‍ക്കറ്റിംഗ് വൈശാഖ് വടക്കേവീട്, ജിനു അനില്‍കുമാര്‍, ഡിസൈന്‍ ഓള്‍ഡ് മോങ്ക്‌സ്.
Recent Comments