അമ്മു അഭിരാമി, വിദ്യ പ്രദീപ്, കീര്‍ത്തി പാണ്ഡണ്യന്‍, ഷാലിന്‍ സോയ എന്നിവര്‍ കേന്ദ്രകഥാപാത്രങ്ങളാകുന്ന തമിഴ് ചിത്രമാണ് കണ്ണകി. നവാഗതനായ യശ്വന്ത് കിഷോര്‍ കഥയെഴുതി സംവിധാനം നിര്‍വ്വഹിക്കുന്ന ചിത്രത്തിന്റെ ട്രെയിലര്‍ പുറത്തിറങ്ങി. ചിത്രം ഡിസംബര്‍ 15 ന് പ്രദര്‍ശനത്തിനെത്തും.
നാല് വ്യത്യസ്ത കഥാപാത്രങ്ങളും അവരുടെ ജീവിത്തില്‍ അഭിമുഖീകരിക്കേണ്ടി വരുന്ന പ്രശ്‌നങ്ങളുമാണ് കണ്ണകി പറയുന്നത്.
തന്നെ പെണ്ണു കാണാന്‍ വരുന്നവരാരും അവളെ വിവാഹം കഴിക്കാന്‍ ആഗ്രഹിക്കാത്തതില്‍ അസ്വസ്ഥത പുലര്‍ത്തുന്ന കഥാപാത്രത്തെയാണ് അമ്മു അവതരിപ്പിക്കുന്നത്. വിവാഹമോചനത്തിന് നിര്‍ബന്ധിക്കുന്ന ഭര്‍ത്താവിനെതിരെ നിയമപോരാട്ടവുമായി മുന്നേറുന്ന വിദ്യയും 20 ആഴ്ചത്തെ ഗര്‍ഭം അലസിപ്പിക്കാന്‍ ആഗ്രഹിക്കുന്ന അവിവാഹിതയായി കീര്‍ത്തിയും ലൗ മാര്യേജിനും അറേഞ്ച്ഡ് മാര്യേജിനും ഇഷ്ടപ്പെടാത്ത തന്റെ താല്‍പ്പര്യത്തിനൊത്ത് ജീവിക്കാനാഗ്രഹിക്കുന്ന യുവതിയെ ഷാലിനും അവതരിപ്പിക്കുന്നു
മയില്‍സ്വാമി, വെട്രി, അദേഷ് സുധാകര്‍, മൗനിക എന്നിവര്‍ക്കൊപ്പം സംവിധായകന്‍ യശ്വന്ത് കിഷോറും അഭിനയിക്കുന്നു. ഛായാഗ്രഹണം റാംജി, എഡിറ്റര്‍ കെ. ശരത് കുമാര്‍, കാര്‍ത്തിക് നേതയുടെ വരികള്‍ക്ക് ഷാന്‍ റഹ്‌മാന്‍ സംഗീത നിര്‍വ്വഹിച്ചിരിക്കുന്നു. ശക്തി ഫിലിം ഫാക്ടറിയുടെ ബാനറില്‍ എം. ഗണേഷും ജെ. ധനുഷും ചേര്‍ന്നാണ് ചിത്രം നിര്‍മ്മിക്കുന്നത്.
Recent Comments