മുകേഷ്, ഉര്‍വ്വശി, ധ്യാന്‍ ശ്രീനിവാസന്‍, ഷൈന്‍ ടോം ചാക്കോ, ദുര്‍ഗ്ഗ കൃഷ്ണ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. അയ്യര് കണ്ട ദുബായ് എന്ന ചിത്രത്തിന്റെ പേര് അയ്യര് ഇന്‍ അറേബ്യ എന്നാക്കി മാറ്റി. അണിയറപ്രവര്‍ത്തകര്‍ സോഷ്യല്‍ മീഡിയയില്‍ പങ്കുവെച്ച രസകരമായ വീഡിയോയിലൂടെയാണ് പേരുമാറ്റം അറിയിച്ചത്.
വെല്‍ത്ത് ഐ പ്രൊഡക്ഷന്‍സിന്റെ ബാനറില്‍ വിഘ്‌നേഷ് വിജയകുമാര്‍ നിര്‍മ്മിച്ച് എം.എ. നിഷാദ് രചനയും സംവിധാനവും നിര്‍വഹിക്കുന്ന ചിത്രമാണ്. സിനിമ ജീവിതത്തിന്റെ ഇരുപത്തിയഞ്ചാം വര്‍ഷമാണ് ‘അയ്യര് ഇന്‍ അറേബ്യ’ എന്ന ചിത്രവുമായി എം.എ. നിഷാദ് വരുന്നത്. ഒരു മുഴുനീള കോമഡി എന്റര്‍ടെയ്‌നര്‍ ആയിരിക്കും സിനിമയെന്നാണ് സൂചന.
വീഡിയോയില്‍ സുനില്‍ സുഖദയും ബിജു സോപാനവും അയ്യര് സാര്‍ ദുബായിലുണ്ടോ എന്ന് ഷൈനിനെ വിളിച്ച് അന്വേഷിക്കുകയാണ്. ഒടുവില്‍ സംവിധായകന്‍ തന്നെ വന്ന് പറയുന്നു അയ്യര് അറേബ്യയിലാണേന്ന്. ഇങ്ങനെ കൗതുകമുണര്‍ത്തുന്ന രീതിയിലാണ് പേര് മാറ്റല്‍ അറിയിച്ചിരിക്കുന്നത്. വീഡിയോയിലെ ഷൈന്‍ ടോമിന്റെ കോക്ക് പിറ്റ് തമാശ പൊട്ടിചിരിയോടെയാണ് സോഷ്യല്‍ മീഡിയ ഇപ്പോള്‍ വരവേല്‍ക്കുന്നത്.
ജാഫര്‍ ഇടുക്കി, അലന്‍സിയര്‍, മണിയന്‍ പിള്ള രാജു, കൈലാഷ്, സുധീര്‍ കരമന, സോഹന്‍ സീനുലാല്‍, ഉല്ലാസ് പന്തളം, ജയകൃഷ്ണന്‍, സിനോജ് സിദ്ധിഖ്, ജയകുമാര്‍, ഉമ നായര്‍, ശ്രീലത നമ്പൂതിരി, രശ്മി അനില്‍, വീണ നായര്‍, നാന്‍സി,ദിവ്യ എം. നായര്‍, ബിന്ദു പ്രദീപ് തുടങ്ങിയവരും ചിത്രത്തില്‍ അഭിനയിക്കുന്നുണ്ട്. നീണ്ട നാളുകള്‍ക്ക് ശേഷം മുകേഷും ഉര്‍വശിയും ഒന്നിക്കുന്ന ചിത്രം എന്ന പ്രത്യേകതയും അയ്യര് ഇന്‍ അറേബ്യയ്ക്ക് ഉണ്ട്.
Recent Comments