ഷെയ്ന്‍ നിഗം, ഷൈന്‍ ടോം ചാക്കോ, അര്‍ജുന്‍ അശോകന്‍ എന്നിവരെ കേന്ദ്രകഥാപാത്രങ്ങളാക്കി പ്രിയദര്‍ശന്‍ സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഒക്ടോബര്‍ 27 ന് എറണാകുളത്ത് ആരംഭിക്കും. ന്നാ താന്‍ കേസ് കൊട് എന്ന ചിത്രത്തിലൂടെ മലയാളികള്‍ക്ക് സുപരിചിതയായ ഗായത്രി ശങ്കറാണ് നായിക. സിദ്ധിക്കും ചിത്രത്തില്‍ ശക്തമായൊരു കഥാപാത്രത്തെ അവതരിപ്പിക്കുന്നു.
ഇതാദ്യമായിട്ടാണ് ന്യൂജെന്‍ താരങ്ങളെ അണിനിരത്തി പ്രിയദര്‍ശനന്‍ ഒരു ചിത്രം സംവിധാനം ചെയ്യുന്നത്. ഈ ചിത്രം നിര്‍മ്മിക്കുന്നതും പ്രിയദര്‍ശനാണ്. ചിത്രത്തിന് ടൈറ്റില്‍ ആയിട്ടില്ല. 27 നാണ് പൂജ. അന്ന് ടൈറ്റില്‍ അനൗണ്‍സ്‌മെന്റും ഉണ്ടാകും.
ദിവാകര്‍ എസ്. മണിയാണ് ഇത്തവണ പ്രിയനുവേണ്ടി ഛായാഗ്രഹണം ഒരുക്കുന്നത്. മനു ജഗത് കലാസംവിധാനവും അയ്യപ്പന്‍ എഡിറ്റിംഗും നിര്‍വ്വഹിക്കുന്നു. നന്ദു പൊതുവാളാണ് പ്രൊഡക്ഷന്‍ കണ്‍ട്രോളര്‍.
Recent Comments