ജോജു ജോര്‍ജ് ആദ്യമായി രചനയും സംവിധനവും നിര്‍വ്വഹിക്കുന്ന ചിത്രമാണ് പണി. പ്രഖ്യാപന സമയം മുതല്‍ വരുന്ന ചിത്രത്തെക്കുറിച്ചുള്ള വാര്‍ത്തകള്‍ സമൂഹ മാധ്യമങ്ങളില്‍ മികച്ച സ്വീകാര്യതയാണ് ലഭിക്കുന്നത്. അത്തരത്തിലുള്ള ചില ഫോട്ടോകളാണ് ഇപ്പോള്‍ ശ്രദ്ധ നേടുന്നത്.
ചിത്രത്തില്‍ ജോജു അവതരിപ്പിക്കുന്ന ഗിരിയുടെയും നായിക അഭിനയ അവതരിപ്പിക്കുന്ന ഗൗരിയുടെയും പ്രണയാര്‍ദ്രമായ ചിത്രങ്ങളാണ് സമൂഹ മാധ്യമങ്ങളില്‍ പ്രചരിക്കുന്നത്. ഇതിലൂടെ ഗിരിയും ഗൗരിയും തമ്മിലുള്ള അഗാധമായ ബന്ധത്തിന്റെ ആഴവും പ്രണയവുമാണ് അണിയറപ്രവര്‍ത്തകര്‍ പ്രേക്ഷകരിലേക്കെത്തിക്കുന്നത്.
ചിത്രത്തില്‍ ജോജുവിന്റെ നായികയായി എത്തുന്ന അഭിനയ യഥാര്‍ത്ഥ ജീവിതത്തില്‍ സംസാരശേഷിയും കേള്‍വിശക്തിയും ഇല്ലാത്ത പെണ്‍കുട്ടിയാണ്. തമിഴ്, തെലുങ്ക്, കന്നഡ ചിത്രങ്ങളില്‍ അഭിനയ അഭിനയിച്ചിട്ടുണ്ട്. പരിമിതികള്‍ സ്വപ്‌നങ്ങള്‍ക്ക് തടസ്സമല്ലെന്ന് തെളിയിച്ച അഭിനയ ജോജുവിന്റെ നായികയായി വീണ്ടും മലയാളത്തില്‍ എത്തുന്നത് ഒരുപാട് പ്രതീക്ഷയോടെയാണ് ആരാധകര്‍ കാണുന്നത്. ഐസക് സണ്‍ ഓഫ് ഫിലിപ്പോസ്, വണ്‍ ബൈ ടു, ദ് റിപ്പോര്‍ട്ടര്‍ എന്നിവയാണ് അഭിനയ അഭിനയിച്ച മലയാള ചിത്രങ്ങള്‍.
മുന്‍ ബിഗ് ബോസ് താരങ്ങളായ സാഗര്‍, ജുനൈസ്, ഗായിക അഭയ ഹിരണ്‍മയി, പ്രശാന്ത് അലക്‌സ്, സുജിത് ശങ്കര്‍ തുടങ്ങി വന്‍ താരനിര അണിനിരക്കുന്ന ചിത്രത്തില്‍ അറുപതോളം പുതുമുഖ താരങ്ങളും അഭിനയിക്കുന്നുണ്ട്.
ഒരു മാസ് ത്രില്ലര്‍ റിവഞ്ച് ജോണറില്‍ എത്തുന്ന ചിത്രം ജോജുവിന്റെ തന്നെ പ്രൊഡക്ഷന്‍ കമ്പനിയായ അപ്പു പാത്തു പപ്പു പ്രൊഡക്ഷന്‍സിന്റെയും എഡി സ്റ്റുഡിയോസിന്റെയും ശ്രീഗോകുലം മൂവീലിന്റെയും ബാനറില്‍ എം. റിയാസ് ആദം, സിജോ വടക്കന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. വിഷ്ണു വിജയ്, സാം സിഎസ് എന്നിവരാണ് സംഗീതം. ക്യാമറ വേണു ISC, ജിന്റോ ജോര്‍ജ്, ശ്രീ ഗോകുലം മൂവീസിലൂടെ ഡ്രീം ബിഗ് ഫിലിംസാണ് ചിത്രം വിതരണത്തിനെത്തിക്കുന്നത്. പി.ആര്.ഒ ആതിര ദില്‍ജിത്ത്.
Recent Comments