ആന്‍ഡ്രോയിഡിന്റെ പുതിയ പതിപ്പായ ആന്‍ഡ്രോയിഡ് 15 ഒഎസ് ഗൂഗിള്‍ ഔദ്യോഗികമായി പുറത്തിറക്കി. സെപ്തംബര്‍ മൂന്ന് ചൊവ്വാഴ്ച ഒരു ബ്ലോഗ് പോസ്റ്റിലാണ് ഗൂഗിള്‍ പുതിയ ഒഎസ് പുറത്തിറക്കിയതായി അറിയിച്ചത്. വരുംആഴ്ചകളിലാണ് ആന്‍ഡ്രോയിഡ് 15 ഫോണുകളിലെത്തു. ഗൂഗിള്‍ പിക്‌സല്‍ ഫോണുകളിലാണ് ആദ്യമെത്തുക. ആന്‍ഡ്രോയിഡ് ഓപ്പര്‍ സോഴ്‌സ് പ്രൊജക്ട് ആയി ഇതിന്റെ സോഴ്‌സ് കോഡ് ലഭ്യമാക്കിയിട്ടുണ്ട്. ഇതുവഴി ഡെവലപ്പര്‍മാര്‍ക്ക് അവരുടെ ഉല്‍പ്പന്നങ്ങള്‍ക്ക് അനുയോജ്യമായ കസ്റ്റം ഒഎസുകള്‍ നിര്‍മ്മിക്കാന്‍ സാധിക്കും. മാസങ്ങള്‍ നീണ്ട ബീറ്റാ പരീക്ഷണ ഘട്ടം പൂര്‍ത്തിയാക്കിയാണ് പുതിയ ഒഎസ് അവതരിപ്പിക്കുന്നത്.
ഗുഗിള്‍ പിക്‌സല്‍ ഫോണുകള്‍ക്ക് പുറമെ സാംസങ്, ഓണര്‍, ഐഖൂ, ലോനോവോ, മോട്ടോറോള, നത്തിങ്, വണ്‍പ്ലസ്, ഓപ്പോ, റിയല്‍മി, ഷാര്‍പ്പ്, സോണി, ടെക്‌നോ, വിവോ, ഷാവോമി തുടങ്ങിയ ബ്രാന്റുകളുടെ ഫോണുകളിലും വരും മാസങ്ങളില്‍ ആന്‍ഡ്രോയിസ് 15 അപ്‌ഡേറ്റ് എത്തും. പുതിയ വോളിയം കമ്#ട്രോള്‍ പാനല്‍, പാര്‍ഷ്യല്‍ സ്‌ക്രീന്‍ ഷെയറിങ്, ഫുള്‍ സ്‌ക്രീന്‍ ആപ്പുകള്‍ തുടങ്ങി ഒട്ടേറെ പുതിയ സൗകര്യങ്ങളുമായാണ് ആന്‍ഡ്രോയിഡ് 15 അവതരിപ്പിച്ചിരിക്കുന്നത്. വിന്‍ഡോസ് ലാപ്‌ടോപ്പിലെ വെബ് ക്യാമറയായി സ്മാര്‍ട്ട്‌ഫോണിനെ മാറ്റാനുള്ള സൗകര്യവും ഉള്‍പ്പെടുത്തിയിട്ടുണ്ട്.
കൂടുതല്‍ സുരക്ഷയും സ്വകാര്യതയും ഉറപ്പുനല്‍കും വിധമാണ് ആന്‍ഡ്രോയിഡ് 15 ഒരുക്കിയിട്ടുള്ളത്. ടാബ് ലെറ്റുകള്‍ പോലുള്ള വലിയ സ്‌ക്രീനുകളിലെ മള്‍ടി ടാസ്‌കിങ്, പിക്ചര്‍ ഇന്‍ പിക്ചര്‍ മോഡ് എന്നിവ മെച്ചപ്പെടുത്തിയിട്ടുണ്ട്.
Recent Comments