നവാഗതനായ പ്രഗേഷ് സുകുമാരന്‍ സംവിധാനം ചെയ്യുന്ന ചിത്രമാണ് വേദ. ടൈറ്റില്‍ കാര്‍ഡില്‍ വേദയ്ക്ക് മുകളില്‍ ലൗ ഫുള്ളി യുവേഴ്‌സ് എന്നൊരു വാലുകൂടിയുണ്ട്. എങ്കിലും സൗകര്യാര്‍ത്ഥം നമുക്ക് വേദയെന്ന് വിളിക്കാം.
വേദയായി എത്തുന്നത് രജീഷ വിജയനാണ്. ഒരു കാമ്പസ് ലൗസ്റ്റോറിയാണ് വേദ പറയുന്നത്.
ഇന്ന് കൊടുങ്ങല്ലൂര്‍ ശ്രീ കുറുമ്പ ഭഗവതിക്ഷേത്രത്തില്‍വച്ചായിരുന്നു ചിത്രത്തിന്റെ പൂജയും സ്വിച്ചോണ്‍ കര്‍മ്മവും.
രജീഷ വിജയനോടൊപ്പം പ്രശസ്ത തമിഴ് സംവിധായകന്‍ ഗൗതം വാസുദേവ് മേനോന്‍ ഒരു പ്രധാന വേഷം ചെയ്യുന്നു. വെങ്കിടേഷ്, ഷാജു ശ്രീധര്‍, ഐ.എം. വിജയന്‍, ശ്രീനാഥ് ഭാസി, അപ്പാനി ശരത്ത്, അനിഘ സുരേന്ദ്രന്‍, ശ്രുതി ജയന്‍, നില്‍ജ കെ. ബേബി എന്നിവരും പ്രധാന താരനിരയിലുള്ളവരാണ്. നിരവധി പുതുമുഖങ്ങളും ഈ ചിത്രത്തില്‍ അഭിനയിക്കുന്നു.
ചിത്രത്തിന്റെ ഷൂട്ടിംഗ് ഡിസംബര്‍ 15 ന് തൃശൂരില്‍ തുടങ്ങും. കേരളവര്‍മ്മ കോളേജാണ് പ്രധാന ലൊക്കേഷന്‍.
ആര്‍ ടു എന്റര്‍ടെയ്ന്‍മെന്റ്‌സിന്റെ ബാനറില്‍ രാധാകൃഷ്ണന്‍ ഖാലയില്‍, റുവിന്‍ വിശ്വം എന്നിവര്‍ ചേര്‍ന്നാണ് വേദ നിര്‍മ്മിക്കുന്നത്. വിബീഷ് വിജയന്‍ കോ പ്രൊഡ്യൂസറും ഹാരിസ് ദേശം ലൈന്‍ പ്രൊഡ്യൂസറുമാണ്. ബാബു വൈലത്തൂരാണ് തിരക്കഥയും സംഭാഷണവും എഴുതുന്നത്. ടൊബിന്‍ തോമസ് ഛായാഗ്രഹണവും സുഭാഷ് കരുണ്‍ കലാസംവിധാനവും അരുണ്‍ മനോഹര്‍ കോസ്റ്റ്യൂമും ആര്‍.സി. വയനാടന്‍ മേക്കപ്പും നിര്‍വ്വഹിക്കുന്നു. സോബിന്‍ സോമനാണ് എഡിറ്റര്‍.
Recent Comments