ദുല്‍ഖര്‍ സല്‍മാന്റെ ആദ്യ ബോളിവുഡ് വെബ് സീരീസ് ‘ഗണ്‍സ് ആന്‍ഡ് ഗുലാബ്‌സി’ന്റെ ട്രെയിലര്‍ എത്തി. ഫാമിലി മാന്‍ വെബ്‌സീരീസിന്റെ സൃഷ്ടാക്കളായ രാജ് ആന്റ് ഡികെ സംവിധാനം ചെയ്യുന്ന വെബ്‌സീരീസ് നെറ്റ്ഫ്‌ലിക്‌സിലൂടെയാണ് റിലീസ് ചെയ്യുക. കോമഡി ക്രൈം ത്രില്ലര്‍ വിഭാഗത്തിലുള്ള ഗ്യാങ് വാറാണ് സീരിസിന്റെ പ്രമേയം. തൊണ്ണൂറുകളാണ് കഥാ പശ്ചാത്തലം. പങ്കജ് കുമാറാണ് സീരീസിന്റെ ഛായാഗ്രഹണം നിര്‍വഹിച്ചിരിക്കുന്നത്.
ഇന്‍സ്‌പെക്ടര്‍ അര്‍ജുന്‍ വര്‍മ എന്ന കഥാപാത്രത്തെ ആണ് ദുല്‍ഖര്‍ ഇതില്‍ അവതരിപ്പിക്കുന്നത്. ദുല്‍ഖറിനൊപ്പം രാജ്കുമാര്‍ റാവു, ആദര്‍ശ് ഗൗരവ്, ഗുല്‍ഷന്‍ ദേവയ്യ, സതീഷ് കൌശിക്, വിപിന്‍ ശര്‍മ്മ, ശ്രേയ ധന്വന്തരി, ടി ജെ ഭാനു എന്നിവരാണ് മറ്റു വേഷങ്ങള്‍ ചെയ്തിരിക്കുന്നത്. ‘ഗണ്‍സ് ആന്‍ഡ് ഗുലാബ്‌സ്’ നെറ്റ്ഫ്‌ലിക്‌സില്‍ ഓഗസ്റ്റ് 18 സ്ട്രീമിംഗ് ആരംഭിക്കും. രാജ് നിദിമൊരുവും കൃഷ്ണ ഡികെയ്ക്ക് ഒപ്പം സുമന്‍ കുമാറും കൂടി ചേര്‍ന്നാണ് കഥ ഒരുക്കിയിരിക്കുന്നത്.
ആര്‍ ബല്‍കി സംവിധാനം ചെയ്ത ‘ഛുപ്’ എന്ന ബോളിവുഡ് ചിത്രമാണ് ദുല്‍ഖറിന്റേതായി ഏറ്റവും ഒടുവില്‍ പ്രദര്‍ശനത്തിന് എത്തിയത്. ബല്‍കി തന്നെ ആയിരുന്നു ചിത്രത്തിന്റെ രചനയും. പ്രമുഖ ബോളിവുഡ് സംവിധായകനും നടനുമൊക്കെയായിരുന്ന ഗുരു ദത്തിനുള്ള ആദരം എന്ന നിലയ്ക്ക് ആയിരുന്നു ചിത്രം ഒരുക്കിയത്.
‘കിംഗ് ഓഫ് കൊത്ത’യാണ് ദുല്‍ഖറിന്റേതായി റിലീസിനൊരുങ്ങുന്ന സിനിമ. ജോഷിയുടെ മകന്‍ അഭിലാഷ് ജോഷിയാണ് ചിത്രം സംവിധാനം ചെയ്യുന്നത്. ‘പൊറിഞ്ചു മറിയം ജോസി’ന്റെ തിരക്കഥാകൃത്ത് അഭിലാഷ് എന്‍ ചന്ദ്രനാണ് ചിത്രത്തിന്റെ രചന നിര്‍വ്വഹിക്കുന്നത്. ചിത്രം ഓണം റിലീസ് ആയി ഓഗസ്റ്റ് 24 ന് തിയറ്ററുകളില്‍ എത്തും. ഷബീര്‍ കല്ലറയ്ക്കല്‍, പ്രസന്ന, ചെമ്പന്‍ വിനോദ്, ഷമ്മി തിലകന്‍, ഗോകുല്‍ സുരേഷ്, വട ചെന്നൈ ശരണ്‍, ഐശ്വര്യ ലക്ഷ്മി, നൈല ഉഷ, ശാന്തി കൃഷ്ണ, അനിഖ സുരേന്ദ്രന്‍ തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്. പി ആര്‍ ഓ പ്രതീഷ് ശേഖര്‍.
Recent Comments